Aprobado pola Comisión de Goberno en sesión do 3-8-2000 o expediente de contratación, incluídos os pregos de condicións económico-administrativas que rexerán o procedemento para a contratación da execución das obras referenciadas, exponse ó público por 4 días hábiles, contados a partir do seguinte ó da publicación do presente anuncio no BOP, para que poidan presentarse reclamacións por quen se considere interesado.
Simultaneamente anúnciase o concurso, se ben a licitación aprazarase canto resulte necesario de presentarse reclamacións ós pregos.
1. Entidade adxudicadora: Concello de Bueu.
2. Obxecto do contrato: execución da obra Centro Sociocultural de Cela. 3ª fase. Prazo: antes do 20-10-2000, deberá de estar xustificada a execución de 16.000.000 de ptas. A execución total da obra deberá de estar xustificada nos tres primeiros meses do ano 2001.
3. Tramitación: urxente. Procedemento: aberto. Forma: poxa.
4. Tipo de licitación: 21.900.000 ptas. IVE e demais tributos incluídos.
5. Garantías. Provisoria: non se esixe. Definitiva: 876.000 ptas.
6. Obtención de información e documentación: Concello de Bueu. Eduardo Vicenti, 10. 36930. Bueu. Pontevedra. Teléfono: 986 39 00 29. Telefax: 986 32 20 99.
7. Requisitos xerais do contratista sinalados no prego de condicións administrativas. Clasificación: gupo C, subgrupo 4, categoría c).
8. Presentación de proposicións:
a) Prazo e lugar: no Concello de Bueu, durante os 8 días naturais desde o seguinte ó da publicación do presente anuncio no último dos boletíns no que apareza (DOG ou BOP). De 8 a 14 de luns a venres, de 9.30 a 13 horas os sábados, no rexistro xeral do concello ou da forma sinalada na cláusula 11 do prego de condicións.
b) Documentación que hai que presentar: as proposicións constarán de 2 sobres pechados, A e B denominadaos de «Documentación xeral» e «Proposta económica», coas inscricións e contendo a documentación que se sinala na cláusula 11 dos pregos de condicións particulares.
9. Apertura das ofertas: ás 13 horas do 3º día hábil seguinte ó de finalización do prazo para a presentación de proposicións (para estes efectos o sábado considerarase inhábil).
10. Gastos de anuncios: por conta do adxudicatario.
Asímesmo, na mesma sesión aprobouse o correspondente proxecto técnico, que tamén se expón por prazo de 8 días para que se poida examinar e efectua-las alegacións por quen estime ter interese ó respecto.
Bueu, 4 de agosto de 2000.
O alcalde
Rubricado