A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite urxente, do seguinte contrato de obra:
Restauración da Igrexa de Santa María de Lamas-Boqueixón (A Coruña).
-Orzamento de licitación: seis millóns catrocentas corenta e tres mil setecentas sententa e seis pesetas (6.443.776 ptas.) IVE incluído.
-Prazo de execución: dous (2) meses.
-Garantía provisional: dispensada.
-Clasificación do contratista: grupo K, subgrupo 7, categoría c.
Restauración da Torre de Fonseca-1ª fase-Santiago de Compostela (A Coruña).
-Orzamento de licitación: catorce millóns duascentas sesenta e cinco mil seiscentas vintedúas pesetas (14.265.622 ptas.) IVE incluído.
-Prazo de execución: tres (3) meses.
-Garantía provisional: dispensada.
-Clasificación do contratista: grupo K, subgrupo 7, categoría c.
-Exposición da documentación: os pregos de cláusulas administrativas particulares e os proxectos estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, de 10 a 14 horas, e no teléfono 981 58 89 38.
-Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación da presente resolución no DOG.
-Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2º do prego de cláusulas administrativas particulares.
-Documentación que presentarán os licitadores: a establecida pola cláusula 7 do prego de cláusulas administrativas particulares.
-Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na Sala de Xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
-O importe do anuncio do presente concurso será por conta dos adxudicatarios.
Santiago de Compostela, 7 de agosto de 2000.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo