O Decreto 343/1999, do 16 de decembro, polo que se crea o órgano autonómico de coordinación dos plans de investigación e control de determinadas substancias e os seus residuos en animais e os seus productos con destino ó consumo humano establece, no seu artigo 5, a designación do coordinador autonómico como representante da Comunidade Autónoma na comisión nacional.
No artigo 4 establece que, unha vez nomeado, se procederá á publicación no Diario Oficial de Galicia.
Na súa virtude,
DISPOÑO:
Artigo único.
Desígnase como coordenador autonómico da comisión autonómica de investigación e control de determinadas substancias e os seus residuos nos animais e os seus productos con destino ó consumo humano, como órgano autonómico creado polo Decreto 343/1999, do 16 de decembro, a Carlos García-Argüelles Suárez, técnico da Dirección Xeral de Saúde Pública.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 14 de xullo de 2000.
José Mª Hernández Cochón
Conselleiro de Sanidade e Servicios Sociais