Realizados os trámites derivados da resolución provisional desta convocatoria, e de conformidade coa

Orde do 3 de febreiro de 2000 (DOG do 23 de febreiro) pola que se convocaban axudas para a formación continua de profesores e formadores de linguas estranxeiras de acordo coa Acción B do Programa Lingua.

Esta dirección xeral resolveu, con carácter definitivo:

Primeiro.-Conceder axudas ós profesores de linguas estranxeiras que aparecen citados no anexo I, pola contía en pesetas correspondente ós euros que se indican en cada caso, con cargo ós fondos do Programa Sócrates, Lingua, Acción B.

Segundo.-Excluí-las solicitudes e denega-las axudas ós profesores relacionados no anexo II desta reso

lución, por algunha das seguintes causas, correspondentes ós puntos que se citan, da orde de convocatoria do 3 de febreiro de 2000.

1ª Non estar impartindo na actualidade o idioma para o que solicita a actividade de formación, non ter tres anos de docencia en linguas estranxeiras ou non impartir 6 horas en secundaria ou 1 h 30 m en primaria. Punto 2º.1.1.

2ª. Non envia-las solicitudes dentro do prazo establecido. Punto 5º.

Terceiro.-Xunta-la lista daquelas persoas que renunciaron á axuda unha vez que lles foi concedida no anexo IV. Non existen candidatos suplentes.

Cuarto.-1. O pagamento efectivo da totalidade da axuda fáraselle á persoa interesada unha vez realizada a actividade. Para iso, remitirá os seguintes documentos á Axencia Sócrates (Paseo do Prado, 28, 8º, 28014 Madrid), dentro dos vinte días naturais seguintes á finalización da actividade:

a) Fotocopia compulsada do certificado de asistencia ó curso no que se especifiquen as datas de realización e o número total de horas lectivas.

b) Fotocopia compulsada das facturas ou documentos que xustifiquen a inscrición e os gastos do curso, nos que se especifique o importe do gasto realizado.

c) Declaración da persoa interesada manifestando se é ou non beneficiaria doutra axuda ou bolsa procedente de calquera Administración ou ente público nacional ou internacional, con especificación, se é o caso, da contía e finalidade.

2. Os beneficiarios remitirán, así mesmo, á Dirección Xeral de Ordenación Educativa e de FP (San Lázaro, 107, 15771 Santiago de Compostela) unha copia dos seguintes documentos:

a) Cuestionario debidamente cuberto segundo modelo que figura no anexo IV desta resolución ó que deberá xunta-lo programa do curso.

b) Fotocopia compulsada do certificado de asistencia e o número total de horas lectivas.

c) Declaración da persoa interesada manifestando se é ou non beneficiaria doutra axuda ou bolsa procedente de calquera Administración ou ente público nacional ou internacional, con especificación, se é o caso, da contía e finalidade.

3. Calquera alteración das condicións tidas en conta para as concesións das axudas e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución de concesión.

4. As persoas beneficiarias da axuda estarán obrigadas a facilitar canta información lles sexa requerida polo organismo competente, quedando sometidas ás actuacións de control financeiro que corresponda á Intervención Xeral da Administración do Estado e ás de comprobación que poida efectua-lo Ministerio de Educación y Cultura.

Quinto.-Contra esta resolución definitiva da directora xeral de Ordenación Educativa e Formación Pro-

fesional, os interesados poderán interpoñer recurso de alzada perante o conselleiro de Educación e Ordenaciój Universitaria, no prazo dun mes contado a partir do día seguinte ó da súa publicación no DOG, segundo o disposto nos artigos 114 e 115 da Lei 4/1999 (BOE do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común.

Santiago de Compostela, 14 de xullo de 2000.

María Pilar del Mar Pérez Marsó

Directora xeral de Ordenación Educativa e

Formación Profesional

ANEXO I

Relación de beneficiarios

ANEXO II

Candidatos excluídos

ANEXO III

Renuncias