En cumprimento da legalidade vixente, anúnciase concurso restrinxido para a contratación de asistencias técnicas para elaboración de proxectos de diagnóstico e propostas de plans de mellora para as empresas galegas.

1. Entidade adxudicadora:

a) Organismo: Instituto Galego de Promoción Económica (Igape), San Lázaro s/n, 15703 Santiago de Compostela, telf: 981 54 11 01, fax: 981 54 10 92.

b) Número de expediente: CR nº 1/2000.

2. Obxecto do contrato:

Asistencias técnicas para a elaboración de proxectos de diagnóstico e propostas de plans de mellora para as empresas galegas. Desenvolveranse proxectos de diagnóstico nun máximo de 50 Pemes e 10 asociacións empresariais ou cámaras de comercio da Comunidade Autónoma de Galicia.

As empresas seleccionadas serán invitadas en diferentes ocasións a presentar proposicións para a contratación dos distintos traballos de diagnóstico empresarial que o Igape vaia aprobando ás empresas e entidades galegas. O Igape poderá cursar invitacións ata o 30 de setembro de 2001.

3. Tramitación, procedemento e forma de adxudicación:

a) Tramitación: urxente.

b) Procedemento: restrinxido.

c) Forma: concurso.

4. Orzamento máximo de licitación: 80.000.000 de ptas. (IVE incluído), orzándose o prezo medio por proxecto para Pemes nun máximo de 1.000.000 de ptas., IVE incluído, e o prezo medio por proxecto para entidades nun máximo de 3.000.000 de ptas., IVE incluído.

5. Obtención de documentación e información:

a) Entidade: Instituto Galego de Promoción Económica (Igape).

b) Enderezo: San Lázaro s/n.

c) Localidade e código postal: Santiago de Compostela, 15703 A Coruña .

d) Teléfono: 981 54 11 01.

e) Telefax: 981 54 10 92.

f) Data límite de obtención de documentos e información: coincide coa data límite de presentación de solicitudes de participación.

6. Presentación das solicitudes de participación:

a) Data límite de presentación: o prazo de admisión finalizará ás catorce horas do día 24 de agosto de 2000.

b) Documentación que hai que presentar: a indicada no prego de cláusulas administrativas particulares.

c) Lugar de presentación: en sobre pechado e dentro do prazo sinalado, presentaranse no rexistro xeral do Instituto Galego de Promoción Económica, ou por correo, anunciando ó órgano de contratación a remisión da solicitude mediante telex ou telegrama que deberá ter entrada no Igape antes do termo do prazo de presentación de solicitudes, e xustificando a data da imposición do envío na oficina de correos.

d) Criterios de selección de licitantes: os establecidos no prego de cláusulas administrativas particulares.

e) Apertura das solicitudes de participación: na sede do Igape ás 11 horas do 30 de agosto de 2000.

f) Número de empresas que se seleccionarán: 5.

7. Presentación de ofertas:

a) Data límite de presentación: 10 días naturais desde a recepción da correspondente invitación.

b) Documentación que hai que presentar: a indicada no prego de cláusulas administrativas particulares e na correspondente invitación.

c) Criterios de adxudicación: os establecidos no prego de cláusulas administrativas particulares.

d) Prazo durante o que o licitador estará obrigado a mante-la súa oferta: 45 días desde a apertura das ofertas.

8. Garantía provisional: 2% do orzamento máximo de licitación dos proxectos obxecto de contratación.

9. Clasificación: non se esixe.

10. Variantes: admítense sobre metodoloxía e medios propostos, duración dos estudios, prazos de execución, métodos propostos para implicación do persoal das empresas obxecto de estudio, melloras ofertadas e prezos.

11. Vixencia e prazos de execución: a vixencia da contratación esténdese ata o 31 de decembro de 2001, prorrogable dentro dos límites legais salvo denuncia das partes cun mes de antelación á finalización do período de vixencia. O prazo de execución dos proxectos contratados será o establecido na oferta técnica do adxudicatario, cos máximos en cada caso establecidos na invitación de contratación.

12. Gastos de anuncios: os gastos dos anuncios serán por conta dos adxudicatarios.

Santiago de Compostela, 28 de xullo de 2000.

Margarita Rodríguez Rama

Directora xeral do Instituto Galego de Promoción Económica