O Pleno da Corporación, en sesión ordinaria de data 29 de xuño de 2000, por unanimidade dos doce membros presente, acordou aprobar e facer unha corrección de erros do Plan Xeral de Ordenación Municipal do Concello de Meaño, aprobado polo Pleno da Corporación en sesión de data 28 de decembro de 1999 e publicado no BOP con data 17 de xaneiro de 2000 e no DOG de data 7 de febreiro de 2000; consistente en :
a) Substituí-lo último parágrafo contido na páxina 173 do Plan Xeral de Ordenación Municipal do Concello de Meaño, que fai referencia ó capítulo 11.-Ordenanzas reguladoras de los núcleos rurais (11.1 Ordenanza de solo de núcleo rural). Epígrafe 3.-Parámetros da edificación, onde di: «autorízase semisotos, sempre que queden incluídos na altura máxima permitida e completando edificabilidade. Os usos autorizados nestes locais serán os complementarios da vivenda» debe dicir: «autorízanse semisotos que queden incluídos na altura máxima permitida, non computando edificabilidade. Os usos autorizados nestes locais serán os complementarios da vivenda».
b) Substituír o parágrafo da páxina 174 no referente á altura máxima de cume, onde di: «A pendente máxima de cuberta non superará los 30º, cunha altura máxima de cume de 3,60 m» polo texto que segue, que debe dicir: «A pendente máxima de cubierta no superará los 30º, cunha altura máxima de cume de 3,50 m».
Con este acordo remata a vía administrativa, polo que poderá interpoñerse potestativamente recurso de reposición perante o Pleno da Corporación no prazo dun mes contado desde o día seguinte ó da última publicación (DOG ou BOP), ou poderá ser impugnado directamente mediante interposición de recurso contencioso-administrativo perante o Tribunal Superior de Xustiza de Galicia, no prazo de dous meses desde o día seguinte o da última publicación. No suposto de que se interpoña recurso administrativo de reposición, non se poderá interpoñer recurso contencioso-administrativo mentres non se resolva expresa ou presuntamente o de reposición; en tal caso, o prazo para interpoñer recurso contencioso-administrativo contarase desde o día seguinte a aquel en que se notifica a resolución expresa ou no que este deba entenderse presuntamente rexeitado. Neste último caso, o prazo para interpoñe-lo recurso contencioso-administrativo é de seis meses, ó abeiro dos artigos 116 e 117 da Lei 30/1992, do 26
de novembro, en concordancia cos artigos 10 e 46 da Lei 29/1998, do 13 de xullo, reguladora da xurisdición contencioso-administrativa; sen prexuízo da interposición de calquera outro recurso que se coide conveniente.
Meaño, 30 de xuño de 2000.
Jorge Domínguez Rosal
Alcalde