Cumpridos os trámites previstos na Lei 27/1992, do 24 de novembro, de portos do Estado e da Mariña Mercante, modificada pola Lei 62/1997, do 26 de decembro; na Lei 22/1988, de costas; no seu regulamento, aprobado polo Real decreto 1471/1989, do 1 de decembro, e nas demais normas de procedente aplicación, acordouse, en virtude das atribucións delegadas por orde do conselleiro de Política Territorial, Obras Públicas e Vivenda do 29 de xaneiro de 1996, outorgar por resolucións que poñen fin á vía administrativa, as seguintes concesións en dominio público portuario, con suxeición ás condicións estipuladas nos pregos de condicións correspondentes.
Resolución: 20-6-2000.
Obxecto: legalización da ocupación das instalacións da lonxa do porto do Vicedo para a prestación por xestión indirecta do servicio de lonxa.
Porto: O Vicedo.
Adxudicatario: Confraría de Pescadores do Vicedo.
Prazo: 5 anos.
Resolución: 20-6-2000.
Obxecto: construcción dunha cuberta para embarcacións, legalización de camiño de rodadura de carros e varada e unificación de dúas concesións.
Porto: O Freixo.
Adxudicatario: Abeijón Hermanos, S.L.
Prazo: ata o 16-5-2013.
Resolución: 20-6-2000.
Obxecto: modificación das instalacións náutico-deportivas e sociais do club.
Porto: Moaña.
Adxudicatario: Sociedade Deportiva Tirán.
Prazo: ata o 19-10-2004
Resolución: 29-6-2000.
Obxecto: instalacións de subministración de combustible a embarcacións.
Porto: Portosín.
Adxudicatario: Repsol Comercial de Productos Petrolíferos, S.A.
Prazo: 15 anos.
Resolución: 29-6-2000.
Obxecto: ampliación da concesión para construcción dun almacén de caixas e un garaxe-almacén.
Porto: Ribeira.
Adxudicatario: Confraría de Pescadores de Ribeira.
Prazo: ata o 10-7-2006.
Contra os citados actos administrativos, que esgotan a vía administrativa, cabe interpor recurso contencioso-administrativo ante, á elección do interesado, o Xulgado do Contencioso-Administrativo da
Coruña ou ante o xulgado do contencioso-administrativo competente na circunscrición onde teña aquel o seu domicilio, no prazo de dous (2) meses contados a partir do día seguinte ó da publicación da resolución na que se faga público o outorgamento.
Non obstante, os interesados poderán optar por interpor contra os citados actos administrativos recurso de reposición, no prazo dun (1) mes contado a partir do día seguinte ó desta publicación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 14 de xaneiro.
Santiago de Compostela, 7 de xullo de 2000.
Agustín Hernández Fernández de Rojas
Presidente do ente público Portos de Galicia
