En cumprimento do disposto no artigo 22.1º da Lei 3/1985, do 12 de abril, do patrimonio da Comunidade Autónoma de Galicia e no artigo 55.2º do seu regulamento de execución, e á vista das facultades conferidas polos artigos 8 e 11 da Lei 8/1993, do 23 de xuño, reguladora da Administración hidráulica de Galicia,

RESOLVO:

Primeiro.-Facer público que, debido á urxencia manifesta de contar cuns locais contiguos, céntricos, situados preto dos garaxes e do arquivo documental da Demarcación Galicia Sur deste organismo autónomo e cunha superficie ampla e axeitada ás necesidades existentes, co obxecto de instala-las dependencias administrativas do servicio territorial da citada demarcación, xustifícase, logo de fiscalización da Intervención Delegada de Augas de Galicia, a utilización do procedemento de contratación directa do alugamento de dous locais sitos na rúa Urzáiz, nº 18, 2ª e 3ª planta, respectivamente, de Vigo.

Agustín Hernández Fernández de Rojas

Presidente do organismo autónomo

Augas de Galicia