A Comisión de Goberno deste concello, na súa sesión extraordinaria do 19 de xullo de 2000, aprobou o expediente de contratación e o prego de condicións económico-administrativas que rexerá o concurso, por procedemento aberto (tramitación ordinaria), das obras que se relacionan no punto 2, que se expón ó público polo prazo dos oito primeiros días naturais seguintes ó da publicación deste anuncio no DOG. Simultaneamente, anúnciase o concurso para a presentación de propostas. A licitación poderase aprazar no caso de que se formulen reclamacións contra o prego de condicións.

1. Entidade adxudicadora. Organismo: Pleno do Concello.

2. Obxecto do contrato: obra nº 61/PB/2000. Denominación: rede de sumidoiros en Lama de Paio, Gándara, Candás. Orzamento: 15.694.000 pesetas. Financiamento: Estado (MAP): 6.277.600 pesetas. Deputación provincial: 5.877.403 pesetas. Concello: 3.538.997 pesetas. Garantía provisional: 313.880 pesetas. Prazo de execución: 3 meses.

3. Tramitación, procedemento e forma de adxudicación. Tramitación: ordinaria. Procedemento: aberto. Forma: concurso.

4. Criterios de selección: os sinalados na cláusula III do prego de cláusulas administrativas.

5. Clasificación do contratista: non se esixe.

6. Garantías: provisionais: indícase no punto 2 deste anuncio. Definitivas: 4 por 100 do orzamento de adxudicación.

7. Obtención da documentación e información: secretaría do concello, praza do Concello, 1. 32652 Rairiz de Veiga. Teléfono: 988 46 55 52. Fax: 988 46 55 55, ata o día anterior ó do remate de presentación de proposicións.

8. Presentación das ofertas: prazo: 26 días naturais seguintes ó da publicación deste anuncio no DOG. Documentación: a esixida no prego. Lugar de presentación: Concello de Rairiz de Veiga, das nove ás catorce horas.

9. Apertura de ofertas: día 4 de setembro de 2000, ás trece horas, e se ese día aínda non rematase o prazo de presentación de proposicións, a apertura terá lugar o terceiro día hábil seguinte ó do remate do devandito prazo (excepto sábados), no salón de plenos deste concello.

10. Gastos dos anuncios: por conta dos adxudicatarios.

Rairiz de Veiga, 19 de xullo de 2000.

O alcalde

Rubricado