Perante este Xurado Provincial de Montes Veciñais en Man Común, tramítase o expediente de clasificación do monte coas características que a seguir se indican:

Expediente número 13/1999.

Denominación: monte Lama Derriba.

Comunidade propietaria: veciños da parroquia de Chao de Fabeiro.

Concello: Monforte de Lemos.

Superficie: 22 hectáreas.

Estremas.

Norte: pista e predios particulares da parroquia de Chao de Fabeiro.

Leste: pista e predios particulares de Chao de Fabeiro e camiños de acceso a estes.

Sur: pista e predios particulares das parroquias de Monforte e Chao de Fabeiro.

Oeste: pista e predios particulares das parroquias de Monforte e Chao de Fabeiro.

En virtude do acordado polo xurado na sesión que tivo lugar o día 15 de xuño de 1999, e en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, polo presente edicto faise pública a iniciación do expediente indicado co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesadas, poidan comparecer e intervir no expediente iniciado e formularen perante o xurado, no prazo dun mes contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean asistírenos en relación co monte, achegando, se é o caso, a documentación que consideren conveniente ó respecto.

Lugo, 30 de xuño de 2000.

Luis González Vázquez

Presidente do Xurado Provincial de Montes

Veciñais en Man Común de Lugo