Perante este Xurado Provincial de Montes Veciñais en Man Común, tramítase a ampliación do expediente de clasificación número 26/1977, que en conxunto reuniría as características que a seguir se indican:

Denominación: monte de Sirgueiros (parcelas: Agra, Serra, Bustela, Val da Costa e Pena da Roda).

Comunidade propietaria: veciños da parroquia de Sirgueiros.

Concello: O Incio.

Superficie total: 65 hectáreas.

Estremas da parcela nº 1-Agra-0,8 hectáreas.

Norte, leste e oeste: predios particulares de veciños da parroquia de Toldaos.

Sur: camiño de servidume coa dirección Sirgueiros-Reboredo, que linda con predios particulares de veciños da parroquia de Toldaos.

Estremas da parcela nº 2-Serra-48,8 hectáreas.

Norte: predios particulares de veciños da parroquia de Sirgueiros.

Leste: predios particulares da parroquia de Toldaos.

Sur: camiño real que linda co monte veciñal en man común de Hospital do Incio e predios particulares da parroquia da Cruz do Incio.

Oeste: predios particulares de veciños da parroquia de Sirgueiros.

Estremas da parcela nº 3-Bustela-4,1 hectáreas.

Norte, leste e oeste: poligonal dos predios particulares que rodean a parcela.

Sur: monte veciñal en man común da Cruz do Incio.

Estremas da parcela nº 4-Val da Costa-8 hectáreas.

Norte, leste, sur e oeste: poligonal dos predios particulares que rodean a parcela.

Estremas da parcela nº 5-Pena da Roda-3,3 hectáreas.

Norte e oeste: camiño de servidume que entesta co monte veciñal en man común de Rendar e predios particulares de veciños da parroquia de Rendar.

Sur e leste: predios particulares de veciños das parroquias de Rendar e Sirgueiros.

En virtude do acordado polo xurado na sesión que tivo lugar o día 14 de decembro de 1999 e en cumprimento da orde do instructor, conforme o disposto na Ley de montes veciñais en man común do 10 de outubro de 1989 e demais disposicións de aplicación, por este edicto faise pública a iniciación para a posible ampliación do expediente indicado co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesadas poidan comparecer e intervir no expediente iniciado e formularen perante o xurado, no

prazo dun mes contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean asistírenos en relación co monte, achegando, se é o caso, a documentación que consideren conveniente ó respecto.

Lugo, 30 de xuño de 2000.

Luis González Vázquez

Presidente do Xurado Provincial de Montes

Veciñais en Man Común de Lugo