Pola Orde do 10 de marzo de 2000 (DOG nº 57, do 22 de marzo) convocáronse subvencións a universidades galegas para a organización de congresos, simposios e xornadas que favorezan a proxección universitaria, tanto no ámbito local como no nacional e internacional.
Na súa virtude, de acordo co establecido nas bases da convocatoria, e atendendo ó informe-proposta elevado pola comisión avaliadora a través da Dirección Xeral de Universidades, esta consellería
RESOLVE:
Primeiro.-Concederlles axudas ás persoas que se relacionan no anexo á presente resolución para a realización dos eventos e na contía que se indica en cada caso.
Segundo.-Os pagamentos faranse de acordo co establecido nas bases da convocatoria.
Terceiro.-O incumprimento por parte dos beneficiarios de calquera das bases establecidas na orde da convocatoria do 10 de marzo suporá a perda do dereito a percibi-la subvención correspondente.
Cuarto.-Contra esta resolución, que esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria no prazo dun mes a partir do día seguinte ó da publicación da resolución no DOG, segundo o disposto nos artigos 116 e 117 da Lei 4/1999 (BOE nº 12, do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.
Disposición derradeira
Esta resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 10 de xullo de 2000.
Celso Currás Fernández
Conselleiro de Educación e Ordenación Universitaria
ANEXO
Subvencións a universidades galegas para a organización de congresos, simposios e xornadas
(Orde do 10 de marzo de 2000, DOG do 22 de marzo)
Solicitante Denominación Universidade Axuda
Bajo Palacio, Ignacio I Colloquium on Lie Theory and applications Universidade de Vigo 1.150.000
Bandera Vera, Antonio Mª Entornos de creación pictórica Universidade de Vigo 100.000
Cajide Val, José II Congreso Internacional sobre Calidade Universitaria. Os plans de desenvolvemento estratéxicos. Universidade de Santiago de Compostela 2.046.000
Caride Gómez, José Antonio XV Seminario Interuniversitario de Pedagoxía Social Universidade de Santiago de Compostela 800.000
Casal Jiménez, Mª Mercedes Congreso Ibérico de Ecoloxía Universidade de Santiago de Compostela 1.110.000
Delgado Martín, Jorge XX Xornadas da Sociedade Española de Mineraloxía Universidade da Coruña 1.000.000
Díaz de Bustamante, José Manuel III Congreso da Sociedade de Estudios Latinos Universidade de Santiago de Compostela 2.000.000
Guitián Rivera, Enrique First Hispano German Organic Chemistry Universidade de Santiago de Compostela 1.000.000
Lameiras Fernández, María Xornadas sobre agresións sexuais a menores Universidade de Vigo 600.000
López Criado, Fidel I Congreso de Literatura e Sociedade: o papel da literatura no século XX. Universidade da Coruña 500.000
Martí Ezpeleta, Alberto Xornadas: Clima e Calidade Ambiental Universidade de Santiago de Compostela 300.000
Rodríguez González, Román VI Xornadas de Campo de Xeografía Industrial Universidade de Santiago de Compostela 300.000
Rodríguez Parada, Sonia Margarita VI Taller de Metodoloxía de ACDE Universidade de Vigo 934.000
Samper Calvete, Fco. Javier Xornadas hispano lusas sobre augas subterráneas no noroeste da península ibérica Universidade da Coruña 800.000
Vaamonde Liste, Antonio XXV Congreso Nacional de Estatística e Investigación Operativa. Universidade de Vigo 2.360.000