O artigo 7 do Decreto 309/1998, do 6 de novembro (DOG nº 226, do 20 de novembro) polo que se regulan os procesos de selección de prazas de persoal estatutario, sanitario non facultativo e non sanitario, das institucións sanitarias do Servicio Galego de Saúde, con aprobación das ofertas públicas de emprego do organismo para os anos 1998-2000, dispón que naquelas categorías que se prevexa expresamente na convocatoria, os aspirantes que superan o proceso selectivo deberán realizar, coas condicións e nas circunstancias que se refiran, un curso selectivo de carácter teórico-práctico, impartido pola Escola Galega de Administración Sanitaria, logo da súa convocatoria pola División de Recursos Humanos do Sergas, que os aspirantes deberán superar

con declaración de aptitude para poder ser nomeados persoal estatutario fixo do Sergas e tomar posesión das súas prazas.

No desenvolvemento das previsións anteriores o punto 1 da base novena da Resolución do 28 de decembro de 1998 (DOG nº 9, do 15 de xaneiro de 1999) pola que se convoca concurso-oposición para o ingreso de determinadas categorías de persoal estatutario do Sergas no Diario Oficial de Galicia, coas condicións que na nesta se establezan, unha vez celebrado o acto de elección de destino polos aspirantes que superaron en cada categoría o concurso-oposición, engadindo que o dito curso selectivo, de carácter teórico-práctico, será impartido pola Escola Galega de Administración Sanitaria calificando ós aspirantes coa consideración de apto ou non apto.

Por último a cláusula decimocuarta do convenio de colaboración asinado con data do 15 de febreiro de 2000 entre a Consellería de Sanidade e Servicios Sociais e o Sergas, por unha banda, e a Escola Galega de Administración Sanitaria, pola outra, habilita á dita escola para a organización e xestión daqueles cursos selectivos que se acorde encadrar dentro das ofertas públicas de emprego de persoal do organismo.

Por todo isto, unha vez realizado o acto de elección de destino nas diferentes categorías procede convoca-los cursos selectivos correspondentes nos termos previstos na convocatoria, polo que esta división

ACORDA:

Primeiro.-Convoca-los cursos selectivos para o persoal que superou o concurso-oposición para o ingreso nas categorías de persoal estatutario do Sergas de: ATS/DUE, matrona, fisioterapeuta, TEL, TER, TEAP, hixienista dental, auxiliar de enfermería, grupo técnico da función administrativa, grupo de xestión da función administrativa, traballador social, logopeda, cociñeiro, auxiliar administrativo, persoal de servicios xerais, celador e pinche.

Segundo.-A estructura dos cursos, días, horarios e os lugares de realización son os que para cada categoría se indican no anexo da presente resolución, rematando todos eles nun acto conxunto para tódalas categorías que terá lugar o día 15 de setembro de 2000 ás 16.30 horas no Pazo de Congresos e Exposicións de Santiago de Compostela.

Os cursos selectivos correspondentes ás categorías de ATS/DUE, auxiliar de enfermería, auxiliar administrativo; persoal de servicios xerais e celador realizaranse en distintas edicións, como se indica no dito anexo, de xeito descentralizado en distintos lugares de Galicia, agás no referente ó dito acto final conxunto que terá lugar en Santiago de Compostela.

Nestas categorías os aspirantes realizarán o curso no lugar que elixiron no acto de elección de destino, non obstante o anterior, naqueles supostos en que, como resultado da dita elección, o número de par

ticipantes nun determinado lugar fose inferior a cinco, a organización queda habilitada para suspende-la realización do curso no dito lugar, circunstancia que se comunicará persoalmente ós afectados, asignándoselle-lo lugar de realización máis próximo ó inicialmente solicitado.

O horario de realización dos cursos será entre as 16.30 e as 20.30 horas.

Os participantes nestes deberán acredita-la súa identidade tódolos días nos que se imparte o curso, polo que deberán ir provistos do DNI, permiso de conducción ou pasaporte.

Terceiro.-Os cursos selectivos terán carácter obrigatorio para tódolos aspirantes que superaron o concurso-oposición en cada unha das categorías ás que fai referencia a presente resolución, de xeito que non poderán ser nomeados como persoal estatutario fixo do Sergas aqueles aspirantes que non os realizaran ou non os realizaran na súa totalidade ou non os teñan superados.

Malia o anterior, no suposto de que un aspirante superase o concurso-oposición en dúas ou máis categorías, bastará con que realice o curso naquela categoría que pertenza ó grupo superior e, de pertencer ambas ó mesmo grupo, na que desexe o aspirante.

Cuarto.-Os cursos selectivos terán carácter teórico-práctico, sendo obrigatoria a asistencia a tódalas súas sesións, cualificando ó seu remate a cada un dos aspirantes coa cualificación de apto ou non apto.

Quinto.-Os cursos selectivos serán organizados ou xestionados pola Fundación Pública Escola Galega de Administración Sanitaria (en diante FEGAS).

Sexto.-Neste senso correspóndelle á FEGAS as seguintes atribucións en relación coa realización dos ditos cursos selectivos:

a) A súa organización, xestión e tódolos demais aspectos incluídos na loxística destes.

b) O control de asistencia dos participantes e o control da calidade docente destes.

c) O nomeamento dos distintos relatores que os impartan.

d) A cualificación dos participantes como apto ou non apto.

Sétimo.-Inmediatamente despois de rematado cada un dos cursos selectivos ós que fai referencia a presente resolución, a dirección da FEGAS remitirá á División de Recursos Humanos do Sergas relación certificada coas cualificacións obtidas por tódolos participantes en cada un dos ditos cursos selectivos.

Oitavo.-A presente resolución poderá ser impugnada polos interesados na forma prevista na base décima da Resolución do 28 de decembro de 1998 de convocatoria do concurso-oposición.

Santiago de Compostela, 20 de xullo de 2000.

Valeriano Martínez García

Director xeral da División de Recursos Humanos

ANEXO

Categoría: grupo técnico e grupo de xestión

da función administrativa

Localidade	Data	Sede

Santiago de Compostela	12, 13 e 14 de setembro	Pazo de Congresos e Exposicións de Galicia. San Lázaro s/n. Santiago de Compostela.

Categoría: traballador social

Localidade	Data	Sede

Santiago de Compostela	12, 13 e 14 de setembro	Pazo de Congresos e Exposicións de Galicia. San Lázaro s/n. Santiago de Compostela.

Categoría: cociñeiro, pinche

Localidade	Data	Sede

Santiago de Compostela	12, 13 e 14 de setembro	Hotel Puerta del Camino. R/ Miguel Ferro Caaveiro s/n. Santiago de Compostela.

Categoría: matrona, fisioterapeuta, logopeda

Localidade	Data	Sede

Santiago de Compostela	5, 6 e 7 de setembro	Hotel Puerta del Camino. R/ Miguel Ferro Caaveiro s/n. Santiago de Compostela.

Categoría: TER, TEL, TEAP, hixienista dental

Localidade	Data	Sede

Santiago de Compostela	5, 6 e 7 de setembro	Hotel Puerta del Camino. R/ Miguel Ferro Caaveiro s/n. Santiago de Compostela.

Categoría: ATS/DUE, auxiliar de enfermería

Localidade	Data	Sede

A Coruña	4, 5 e 6 de setembro	Pazo de Congresos e da Ópera. Glorieta de América s/n. A Coruña
Ferrol	4, 5 e 6 de setembro	Centro cultural Carballo Calero. Praza do Inferniño s/n. Ferrol
Santiago de Compostela	4, 5 e 6 de setembro	Pazo de Congresos e Exposicións de Galicia. San Lázaro s/n. Santiago de Compostela
Lugo	4, 5 e 6 de setembro	Ferial de Exposicións. R/ Palomar s/n. Lugo
Burela	4, 5 e 6 de setembro	Instituto Social da Marina (Casa do Mar). R/ Rosalía de Castro s/n. Burela
Monforte de Lemos	11, 12 e 13 de setembro	Casa da Cultura, Praza de España, nº 3. Monforte de Lemos
Ourense	11, 12 e 13 de setembro	Deputación Provincial. Edificio Simeón. R/ Progreso nº 30. Ourense
O Barco de Valdeorras	11, 12 e 13 de setembro	Instituto de Ensinanza Secundaria Lauro Olmo. R/ Calabagueiros nº 5. O Barco de Valdeorras
Pontevedra	11, 12 e 13 de setembro	Residencia da Terceira Idade. R/ Fernández Ladreda nº 26. Campolongo. Pontevedra
Vigo	11, 12 e 13 de setembro	Auditorio Caixavigo. R/ Policarpo Sanz nº 13. Vigo

Categoría: auxiliar administrativo, persoal

de servicios xerais

Localidade	Data	Sede

A Coruña	4, 5 e 6 de setembro	Pazo de Congresos e da Ópera. Glorieta de América s/n. A Coruña
Ferrol	4, 5 e 6 de setembro	Centro de Innovacións e Servicios. R/ A Cabana s/n. Ferrol
Santiago de Compostela	4, 5 e 6 de setembro	Hotel Puerta del Camino. R/ Miguel Ferro Caaveiro s/n. Santiago de Compostela
Lugo	4, 5 e 6 de setembro	Ferial de Exposicións. R/ Palomar s/n. Lugo
Burela	4, 5 e 6 de setembro	Hospital da Costa. R/ Rafael Vior s/n. Burela
Monforte de Lemos	11, 12 e 13 de setembro	Hospital Comarcal Monforte. R/ Corredoira s/n. Monforte de Lemos
Ourense	11 de setembro	Cristal Piñor. R/ Ramón Puga nº 52. Ourense
Ourense	12 e 13 de setembro	Santa Mª Nai. R/ Ramón Puga nº 54. Ourense
O Barco de Valdeorras	11 de setembro	Hospital Comarcal de Valdeorras. Avda. Conde de Fenosa nº 50. O Barco de Valdeorras
O Barco de Valdeorras	12 e 13 de setembro	Instituto de Ensinanza Secundaria Lauro Olmo. R/ Calabagueiros nº 5. O Barco de Valdeorras
Pontevedra	11, 12 e 13 de setembro	Auditorio Campolongo. Caixapontevedra. Edificio Central. Avda. Augusto García Sánchez. Pontevedra
Vigo	11, 12 e 13 de setembro	Auditorio Caixavigo. R/ Policarpo Sanz nº 13. Vigo

Categoría: celador

Localidade	Data	Sede

A Coruña	4, 5 e 6 de setembro	Pazo de Congresos e da Ópera. Glorieta de América s/n. A Coruña
Ferrol	4, 5 e 6 de setembro	Centro de Innovacións e Servicios. R/ A Cabana s/n. Ferrol
Santiago de Compostela	4, 5 e 6 de setembro	Hotel Puerta del Camino. R/ Miguel Ferro Caaveiro s/n. Santiago de Compostela
Lugo	4, 5 e 6 de setembro	Ferial de Exposicións. R/ Palomar s/n. Lugo
Burela	4, 5 e 6 de setembro	Hospital da Costa. R/ Rafael Vior s/n. Burela
Monforte de Lemos	11 de setembro	Hospital Comarcal Monforte. R/ Corredoira s/n. Monforte de Lemos
Monforte de Lemos	12 e 13 de setembro	Residencia da Terceira Idade. Paseo do Malecón s/n. Monforte de Lemos
Ourense	11, 12 e 13 de setembro	Cristal Piñor. R/ Ramón Puga nº 52. Ourense
O Barco de Valdeorras	11, 12 e 13 de setembro	Hospital Comarcal de Valdeorras. Avda. Conde de Fenosa nº 50. O Barco de Valdeorras
Pontevedra	11 de setembro	Auditorio Campolongo. Caixapontevedra. Edificio Central. Avda. Augusto García Sánchez. Pontevedra
Pontevedra	12 e 13 de setembro	Delegación Provincial da Consellería de Sanidade e Sercicios Sociais. Avda. de Vigo nº 16. Pontevedra
Vigo	11, 12 e 13 de setembro	Auditorio Caixavigo. R/ Policarpo Sanz nº 13. Vigo

* O día 15 de setembro celebrarase un acto conxunto para tódalas categorías no Pazo de Congresos e Exposición de Galicia sito en San Lázaro s/n en Santiago de Compostela.