A necesidade de adecua-lo cadro de persoal da Consellería de Sanidade e Servicios Sociais ás súas necesidades de funcionamento, fai necesario modifica-la relación de postos de traballo da devandita consellería.
En consecuencia, por proposta da Consellería de Sanidade e Servicios Sociais, consultadas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia na súa reunión do trece de xullo de dous mil, adoptou o seguinte acordo:
1. Modifica-la vixente relación de postos de traballo da Consellería de Sanidade e Servicios Sociais, referente ó persoal da Lei 4/1988, do 26 de maio, nos termos que se sinalan no anexo ó presente acordo.
2. Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
3. Clasificar como posto de libre designación, de acordo coa motivación que se especifica, o seguinte:
Código: SA.C99.10.000.27001.206.
Denominación: servicio de apoio e seguimento.
Motivación: posto de confianza e especial responsabilidade en atención ás funcións de apoio e cobertura das ausencias dos xefes de servicio da delegación e dos directores dos centros sociais e residencias da terceira idade, que tamén teñen o mesmo sistema de provisión.
Visto o acordo adoptado polo Consello da Xunta de Galicia na súa reunión do trece de xullo de dous mil, relativo á modificación da relación de postos de traballo, da Consellería de Sanidade e Servicios Sociais, referente ó persoal da Lei 4/1988, do 26 de maio, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 14 de xullo de 2000.
Jaime Pita Varela
Conselleiro da Presidencia e Administración
Pública
ANEXO
Consellería de Sanidade e Servicios Sociais
Na relación de postos de traballo dos servicios periféricos da Consellería de Sanidade e Servicios Sociais publicada no DOG nº 40, do 28 de febreiro de 2000 e nas páxinas que se especifican a continuación, prodúcense as seguintes modificacións:
Persoal funcionario.
Creacións:
-Na páxina 2.571, no centro de destino DELEGACIÓN PROVINCIAL DE LUGO, engádese o seguinte posto de traballo:
Código do posto: SA.C99.10.000.27001.206.
Denominación: SERVICIO DE APOIO E SEGUIMENTO.
Vacante: SI.
Nivel: 26.
Complemento específico: 1.390.188.
Tipo posto: S.
Forma provisión: LD.
Grupo: AB.
Corpo/escala: XERAL.
Amortizacións:
-Na páxina 2.568, no centro de destino DELEGACIÓN PROVINCIAL DA CORUÑA, suprímese o posto de traballo SA.C99.10.000.15001.276.- POSTO BASE GRUPO B.
Persoal laboral.
-Na páxina 2.581, no centro de destino FOGAR 3ª IDADE (A CORUÑA), suprímese o posto de traballo SA.C99.40.302.15001.019.- LIMPADOR/A.