Producido o cesamento do titular da Dirección Xeral de Relacións Laborais, cómpre adopta-las medidas inmediatas para que, sen prexuízo do posterior nomeamento do novo titular dese centro directivo, se asegure o correcto funcionamento do servicio e a resolución, se é o caso, dos asuntos encomendados á devandita unidade administrativa.
Por todo iso, en virtude das atribucións que me confire a Lei de Galicia 1/1983, do 22 de febreiro, modificada pola Lei 11/1988, do 20 de outubro, da Xunta e do seu presidente,
DISPOÑO:
Artigo único.-O desenvolvemento das accións e o exercicio das competencias propias da Dirección Xeral de Relacións Laborais, que figuran no Decreto 161/2000, do 29 de xuño, e outras que lle fosen expresamente delegadas, quédanlle encomendadas, temporalmente e ata que se produza o nomeamento do seu titular, á secretaria xeral da Consellería de Xustiza, Interior e Relacións Laborais.
Disposición derradeira
Esta orde entrará en vigor o mesmo día ó da súa publicación no Diario Oficial de Galicia.
Santiago de Compostela, 21 de xullo de 2000.
Antonio Pillado Montero
Conselleiro de Xustiza, Interior e Relacións Laborais