Por Resolución do 3 de xullo de 2000, da División de Recursos Económicos do Servicio Galego de Saúde (DOG número 136, do xoves, 13 de xullo), anunciouse concurso polo procedemento aberto, para a
contratación dun servicio para o desenvolvemento do módulo de mantemento de explotacións das entidades sanitarias (S-247/2000).
Advertidos erros no texto do devandito anuncio, así como no punto 4 do prego de cláusulas administrativas particulares (follas de especificacións) que rexe para a contratación de referencia,
RESOLVO:
I. Face-las seguintes correccións:
a) No texto do anuncio:
Primeira.-Onde di: «... para a contratación dun servicio para o desenvolvemento do módulo de mantemento de explotacións das entidades sanitarias (S-247/2000)», debe decir: «...para a contratación dun servicio para a migración do módulo de mantemento de entidades de tarxeta sanitaria a un contorno visual cliente-servidor (S-247/2000)».
Segunda.-No punto 1, correspondente ó obxecto e orzamento, onde di: «...dun servicio para o desenvolvemento do módulo de mantemento de explotacións das entidades sanitarias, por un importe máximo de once millóns novecentas vinte mil pesetas (11.920.000 ptas., IVE incluído), equivalentes a 71.640,64 euros.», debe dicir: «...dun servicio para a contratación dun servicio para a migración do módulo de mantemento de entidades de tarxeta sanitaria a un contorno visual cliente-servidor, por un importe máximo de once millóns novecentas vinte mil ptas. (11.920.000 pesetas), IVE incluído, equivalentes a 71.640,64 euros».
b) No prego de cláusulas administrativas particulares:
No punto 4, que corresponde ó obxecto do contrato, onde di: «Desenvolvemento do módulo de mantemento de explotacións das entidades sanitarias. O proxecto abarca o deseño, a construcción e a implantación do sistema de información», debe dicir: «Servicio para a migración do módulo de mantemento de entidades de tarxeta sanitaria a un contorno visual cliente-servidor. O proxecto abarca o deseño, a construcción e a implantación do sistema de información».
II. O prazo para a presentación de ofertas para a realización da subministración de referencia (quince días naturais) computarase a partir do día seguinte á publicación desta corrección no Diario Oficial de Galicia.
III. A apertura de proposicións realizarase na sala de xuntas da Consellería de Sanidade e Servicios Sociais no edificio administrativo San Caetano (ático ala norte), ás 9.30 horas do quinto día natural, contado a partir do seguinte a aquel no que remate o prazo de presentación de ofertas; no caso de que o dito día cadre en sábado ou festivo, a devandita apertura terá lugar no seguinte día hábil.
Santiago de Compostela, 13 de xullo de 2000.
Antonio Fernández-Campa García-Bernardo
Director xeral da División de Recursos
Económicos