Mediante acordo da Comisión de Goberno deste concello, adoptado na sesión que tivo lugar o día 30 de xuño de 2000, acordouse:

1. Aproba-lo expediente de contratación por concurso, en procedemento aberto, declarado de tramitación urxente, das obras que seguidamente se dirán, deste Concello de Oímbra, do exercicio de 2000.

2. Aproba-lo gasto derivado da execución das obras que se van contratar, que están incluídas no Plan Provincial Base do ano 2000, co financiamento correspondente a este plan.

3. Abri-lo procedemento de licitación destas obras, dándolle publicidade no taboleiro de edictos, no BOP e no DOG ó seguinte:

Convocatoria de concurso en procedemento aberto:

Obxecto: a execución das obras que seguidamente se especifican, facendo constar que os contratistas interesados poden presenta-la súa oferta neste con

curso para unha ou ás dúas obras, xa que cada obra se adxudicará individualmente.

a) Saneamento, abastecemento de auga e beirarrúas nas Chás-A Granxa. Orzamento execución por contrata: 10.000.000 de ptas. Autor do proxecto: Pablo Millán Trillo, enxeñeiro agrónomo. Prazo de execución: 3 meses.

b) Iluminación pública en Oímbra, Casas dos Montes e O Rosal. Orzamento execución por contrata: 5.769.000 ptas. Autor do proxecto: Pablo Millán Trillo, enxeñeiro agrónomo. Prazo de execución: 3 meses.

Orzamento base de licitación: o orzamento de execución por contrata especificado para cada obra. Nas ofertas que se formulen poderanse introducir variacións ou outras solucións técnicas co obxecto de mellora-las previsións do proxecto, sempre que se cumpran os requisitos sinalados ó describi-las melloras pola cláusula oitava do prego que rexe na contratación.

Clasificación do contratista: non se esixe para ningunha das 2 obras obxecto da convocatoria.

Prazo de execución das obras: o que se especificou anteriormente para cada obra ó describi-lo obxecto do contrato.

Garantías: como garantías para participar no concurso para execución das obras, de cada unha esixirase o 2% do orzamento de execución por contrata como garantía provisional, e o 4% dese orzamento como garantía definitiva.

Prazo de presentación das proposicións: os 13 días naturais seguintes ó da derradeira publicación, no BOP ou no DOG da convocatoria do concurso; se o último día coincidise sábado ou festivo, prorrogarase o prazo ó seguinte día natural non festivo.

Realización da licitación: o concurso terá lugar ás 17 horas do día 10 de agosto de 2000.

Criterios para ter en conta na licitación:

1. As melloras que os concursantes efectúen na súa oferta nos termos establecidos, sen superar en absoluto o orzamento de execución por contrata para cada obra.

2. A valoración que efectúe a mesa de contratación da realización de obras con bos resultados de características similares para o Concello de Oímbra.

3. A rebaixa no prazo inicialmente previsto para a execución das obras.

4. Os medios técnicos, humanos e materiais que os concorrentes se comprometan a poñer ó servicio da obra.

5. O maior importe da baixa ofertada sobre o tipo de licitación.

Pagamento do prezo contractual: con cargo ó orzamento municipal de 2000, partida 5.60.

Exame do expediente: nas oficinas da secretaría deste concello, desde as 9 horas ata as 14.30 horas, durante o prazo establecido para presentar proposicións.

Presentación de documentación: as proposicións por medio das cales se concorra á contratación convocada presentaranse na forma que sinala na cláusula oitava do prego que rexe na contratación.

Gastos de anuncio: os gastos deste anuncio serán por conta dos adxudicatarios das obras.

Oímbra, 3 de xullo de 2000.

Alfonso Villarino Rodríguez

Alcalde