Visto o expediente para outorgamento de autorización administrativa e aprobación do proxecto de
execución da instalación eléctrica que a continuación se cita:
Solicitante: Unión Fenosa.
Domicilio social: avenida de Arteixo, 171, 15007 A Coruña.
Denominación: subestación de Becerreá modular 20 kV.
Situación: Becerreá.
Descricións técnicas: edificio obra civil de 12.4x6.7 m en planta que aloxa celas metálicas convencionais compartimentadas, con mandos de control, protección e medida. Tensión 20 kV.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que ó seu dereito estime pertinente.
Lugo, 6 de xuño de 2000.
Jesús Bendaña Suárez
Delegado provincial de Lugo