De conformidade co disposto no artigo 59.4º da Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, (BOE do 14-1-1999), notifícaselle á persoa que a seguir se relaciona, a resolución da Delegación Provincial de Cultura, Comunicación Social e Turismo da Coruña, dictada no expediente sancionador en materia de turismo número AC-57/1999, incoado ó entón titular do establecemento de discoteca denominado O Sarela, situado na rúa Codeseira nº 3, lugar de Vidán, do concello de Santiago de Compostela, xa que intentada polos medios habituais non puido practicarse.
Esta resolución non esgota a vía administrativa, e contra ela os interesados poderán interpoñer recurso de alzada perante o conselleiro de Cultura, Comunicación Social e Turismo, no prazo dun (1) mes desde o día seguinte ó da súa publicación, sen prexuízo de que os interesados poidan interpoñer calquera outro que estimen oportuno.
De non presentar recurso no devandito prazo, a sanción devirá firme e executiva, e poderá facerse efectiva en período voluntario no subseguinte prazo de quince (15) días hábiles, mediante transferencia bancaria a favor do Tesouro da Facenda Galega, conta restrinxida de recadación de multas e sancións, da Delegación Provincial da Consellería de Cultura, Comunicación Social e Turismo da Coruña. De non efectuarse o ingreso no citado prazo, procederase á súa exacción por vía executiva, segundo o disposto pola Orde do 22 de maio de 1987, da Consellería de Economía e Facenda (DOG do 3 de xuño).
Expediente: AC-57/1999.
Denunciado: Luiquen Hill, S.L.
Establecemento: Discoteca O Sarela.
Enderezo: Rúa da Codeseira nº 3, lugar de Vidán.
Localidade: Santiago de Compostela.
Resolución: 10 de febreiro do 2000.
Precepto infrinxido: artigo 86 punto 8 da Lei 9/1997.
Sanción: cincuenta mil (50.000) pesetas.
A Coruña, 20 de xuño de 2000.
Isabel García Vila
Delegada provincial da Coruña