En cumprimento da legalidade vixente, anúnciase concurso público para a contratación dunha asistencia técnica para a elaboración de modelos de mellores prácticas e dun CD-Rom co seu contido para incluír na web do Igape.
1. Entidade adxudicadora:
a) Organismo: Instituto Galego de Promoción Económica (Igape), barrio de San Lázaro s/n, 15703 Santiago de Compostela, Tf: 981 54 11 01, fax: 981 54 10 92.
b) Número de expediente: CP 08/00.
2. Obxecto do contrato: asistencia técnica para a elaboración de modelos de mellores prácticas e dun CD-Rom co seu contido para incluír na web do Igape, co seguinte detalle en lotes:
Lote 1. Elaboración dun modelo de mellores prácticas para proxectos de reinxeñería de procesos.
Lote 2. Elaboración dun modelo de mellores prácticas para o deseño e comunicación da imaxe corporativa.
Lote 3. Elaboración dun modelo de mellores prácticas para a elaboración de sistemas de intelixencia comercial e competitiva.
Lote 4. Elaboración dun CD-Rom co contido dos traballos obxecto dos lotes 1-3 e inclusión do seu contido na web do Igape.
Prazos de execución: os establecidos na oferta técnica do adxudicatario, cos seguintes máximos:
Lotes 1-3: 4 meses desde a sinatura do contrato.
Lote 4: 2 meses desde a entrega polo Igape da información obtida da execución dos lotes 1-3.
3. Tramitación, procedemento e forma de adxudicación:
a) Tramitación: ordinaria.
b) Procedemento: aberto.
c) Forma: concurso público.
4. Orzamento máximo de licitación: 6.900.000 ptas. (seis millóns novecentas mil pesetas), IVE incluído, co seguinte detalle por lotes:
Lote 1: 1.800.000 ptas., IVE incluído.
Lote 2: 1.800.000 ptas., IVE incluído.
Lote 3: 1.800.000 ptas., IVE incluído.
Lote 4: 1.500.000 ptas., IVE incluído.
5. Garantía provisional: 2% do orzamento máximo de licitación do lote/s ós que se concorrra.
6. Clasificación: non se esixe.
7. Obtención de documentación e información:
a) Entidade: Instituto Galego de Promoción Económica (Igape).
b) Domicilio: barrio de San Lázaro s/n.
c) Localidade e código postal: Santiago de Compostela, 15703 A Coruña.
d) Teléfono: 981 54 11 01.
e) Telefax: 981 54 10 92.
f) Data límite de obtención de documentos e información: coincide coa data límite de presentación de ofertas.
8. Presentación das ofertas:
a) Data límite de presentación: o prazo de admisión finalizará ás catorce horas do décimo quinto día natural seguinte á publicación do anuncio de concurso no Diario Oficial de Galicia. De coincidir en sábado ou domingo o prazo entenderase prorrogado ata as catorce horas do seguinte día hábil.
b) Documentación que hai que presentar: a indicada no prego de cláusulas administrativas particulares.
c) Lugar de presentación: en sobre pechado e sellado e dentro do prazo sinalado, presentaranse no rexistro xeral do Instituto Galego de Promoción Económica, ou por correo, anunciando ó órgano de contratación a remisión da oferta mediante telex ou telegrama, que debe ter entrada no Igape antes do termo do prazo de presentación de ofertas, e xustificando a data da imposición do envío na oficina de correos.
d) Prazo durante o cal o licitador estará obrigado a mante-la súa oferta: tres meses desde a apertura das ofertas.
9. Variantes: admítense variantes sobre deseños técnicos e ferramentas propostas para a execución dos traballos, sobre metodoloxía de traballo e sobre melloras técnicas propostas.
10. Apertura das ofertas: en acto público ás 10 horas do quinto día hábil seguinte ó termo do prazo de presentación de ofertas procederase á apertura da documentación administrativa e técnica. En acto público ás 10 horas do décimo día hábil seguinte ó termo do prazo de presentación de ofertas procederase á apertura das ofertas económicas. Na sede do Instituto Galego de Promoción Económica en Santiago de Compostela.
11. Gastos de anuncios: os gastos dos anuncios serán por conta dos adxudicatarios.
Santiago de Compostela, 16 de xuño de 2000.
Margarita Rodríguez Rama
Directora xeral do Instituto Galego
de Promoción Económica
