A Comisión de Goberno, en sesión do 22 de maio do 2000 aprobou, con carácter inicial, o proxecto de urbanización da rúa de nova apertura, entre o camiño de San Brais e rúa Herminia Fariña Cobián, promovido, mediante iniciativa particular, por Construcuatro, Sociedad Anónima, de conformidade cun proxecto visado pola delegación en Pontevedra do Colexio Oficial de Arquitectos de Galicia en data 9-12-1999, planos reformados de número 11', 2', 3' e o denominado Axonometría, cun visado colexial do 25-2-2000, e novos planos números 2'' e 3'', visados colexialmente en data 31-3-2000, anulando e substituíndo os seus correlativos anteriormente presentados, documentación toda ela redactada polos arquitectos Eugenio Jiménez Passolas, Gustavo Pérez Álvarez, Daniel Gómez Ayuso e José Vicente Rodríguez Pagán, dispoñéndose o seu sometemento a información pública.

Durante o prazo dun mes, contado a partir da inserción deste anuncio no Diario Oficial de Galicia,calquera interesado poderá examina-lo expediente no Servicio Municipal de Urbanismo, Medio Ambiente e Patrimonio Histórico (rúa Churruchaos), e formula-las alegacións e xustificacións que estime procedentes.

Pontevedra, 31 de maio de 2000.

P.D.

Xosé Cesáreo Mosquera Lorenzo

Tenente alcalde delegado da Área de Urbanismo

Julio Dapena Outomuro

Secretario xeral