Antecedentes.

-O Concello de Culleredo en sesión plenaria de data 28 de abril de 1998 aprobou definitivamente a modificación do Plan parcial de Cordeda 2ª fase, sector integrado polos cuarteiróns M-8, M-9 e M-10.

-O Concello de Culleredo aprobou definitivamente os estatutos e bases de actuación da Xunta de Compensación do Polígono M-8, M-9 e M-10 do Plan parcial de Cordeda 2ª fase, con data 12 de xaneiro de 1999 (segundo consta na documentación remitida).

-O Concello de Culleredo remitiu, á Consellería de Política Territorial, Obras Públicas e Vivenda na Coruña, o expediente de expropiación forzosa polo procedemento de taxación conxunta dos bens e dereitos pertencentes a propietarios non incorporados á Xunta de Compensación do Polígono M-8, M-9 e M-10 do Plan parcial Cordeda 2ª fase, de conformidade co artigo 145 da Lei 1/1997, do 24 de marzo, do solo de Galicia (LSG).

Fundamentos xurídicos.

Primeiro.-O proxecto de expropiación forzosa tramitouse polo procedemento de taxación conxunta de conformidade co disposto no artigo 145 da LSG.

Segundo.-O proxecto de expropiación forzosa acordouse iniciar por resolución da alcaldía de data 22 de setembro de 1999 do Concello de Culleredo e foi sometido a información pública polo prazo dun mes anunciándose nos diarios La Voz de Galicia de data 4 de outubro de 1999 e no BOP e DOG de datas 27 de novembro e 7 de outubro de 1999 respectivamente.

Terceiro.-As taxacións foron notificadas individualmente ós que aparecían como titulares de bens e dereitos no expediente e ó Ministerio Fiscal, respecto dos propietarios descoñecidos, mediante traslado literal da correspondente folla de aprecio e da proposta de fixación dos criterios de valoración, para que formularan alegacións no prazo dun mes, contado a partir da data de notificación, tal e como sinala o artigo 145.4º da LSG.

Cuarto.-A Corporación Municipal do Concello de Culleredo en sesión plenaria de data 17 de febreiro de 2000 acordou aproba-los informes relativos ás alegacións presentadas polos interesados en relación co proxecto de expropiación e comunicar este acordo á Xunta de Compensación co fin de que presentara un documento reformado no que se inclúan as modificacións derivadas do mesmo.

Unha vez corrixidas as deficiencias o concello acordou remiti-lo expediente expropiatorio á Dirección Xeral de Urbanismo da Consellería de Política Territorial, Obras Públicas e Vivenda para a súa aprobación definitiva tal como sinala o artigo 145.6º da LSG.

Quinto.-No Concello de Culleredo está vixente o Plan Xeral de Ordenación Urbana aprobado o 29 de xullo de 1987.

Os terreos que se pretenden expropiar están clasificados como urbanizables dentro do ámbito do Plan parcial de Cordeda 2ª fase, sector integrado polos cuarteiróns M-8, M-9 e M-10 aprobado polo Concello de Culleredo, en sesión plenaria do 28 de abril de 1998 que fixou como sistema de actuación ó de compensación. Segundo o artigo 134.1º da LSG «se algúns propietarios do polígono non se incorporasen á Xunta de Compensación esta poderá solicitar da administración actuante a expropiación dos ditos predios tendo a condición de beneficiaria...».

De acordo co antes dito e en relación cos artigos 54 da LSG e 33 da Lei 6/1998, do 13 de abril, sobre réxime do solo e valoracións resulta acreditada a declaración de utilidade pública (LRSV) e a necesidade da ocupación dos bens afectados.

Sexto.-No proxecto de expropiación remitido polo Concello de Culleredo utilizáronse para os terreos os criterios de valoración do artigo 27.2º da LRSV. Para as explotacións, terreos sementados, obras e instalacións existentes no solo e para as indemnizacións a favor dos arrendatarios, e de acordo do artigo 31 da LRSV as valoracións fixáronse conforme os criterios da Lei de expropiación forzosa, aprobada o 16 de decembro de 1954, concretándose a valoración de cada predio nas follas de prezo xusto individualizado incorporadas ó expediente expropiatorio.

Sétimo.-A Orde do 30 de decembro de 1999 do conselleiro de Política Territorial, Obras Públicas e Vivenda (DOG do 10 de xaneiro de 2000) pola que se delegan atribucións en materia de urbanismo, no seu artigo 1 delega no director xeral de Urbanismo a aprobación definitiva, do expediente de expropiación forzosa polo procedemento de taxación conxunta, previsto polo artigo 145 da LSG.

Á vista de canto antecede,

RESOLVO:

Primeiro.-Aprobar definitivamente o proxecto de expropiación forzosa polo procedemento de taxación conxunta dos bens e dereitos pertencentes a propietarios non incorporados á Xunta de Compensación do Polígono M-8, M-9 e M-10 do Plan parcial Cor

deda 2ª fase no Concello de Culleredo, facendo constar que a aprobación definitiva do expediente de taxación conxunta implicará a declaración de urxencia da ocupación dos bens e dereitos afectados polo proxecto de expropiación de conformidade co establecido no artigo 146.1º da LSG.

En consecuencia, o pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación de prezo xusto (artigo 146.2º da LSG).

Segundo.-Notifica-la resolución aprobatoria do expediente a tódolos interesados titulares dos bens e dereitos que figuran nel, conferíndolles un termo de vinte días durante o cal poderán manifestar por escrito ante esta dirección xeral a súa desconformidade coa valoración establecida no expediente aprobado, conforme dispón o artigo 145.7º da LSG, advertíndolles que transcorrido o citado prazo de vinte días sen que se formule oposición á valoración, entenderase aceptada a que se fixou no acto aprobatorio do expediente, entendéndose determinado o prezo xusto definitivamente e de conformidade (artigo 145.8º da LSG).

Terceiro.-Publica-la presente resolución así como a relación dos seguintes bens e dereitos afectados polo proxecto de expropiación, no Diario Oficial de Galicia e no taboleiro de edictos do concello:

Así mesmo, a publicación e exposición no taboleiro de edictos do concello servirá de notificación ós propietarios descoñecidos dos que se ignore o lugar de notificación, ou ben, tramitada a notificación, non se puidese realizar. Todo isto de acordo co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro).

Contra esta resolución que pon fin á vía administrativa, poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da notificación, segundo o artigo 46.1º da Lei 29/1998, do 13 de xullo, da xurisdicción contencioso-administrativa (LXCA). Así mesmo, poderase interpoñer recurso potestativo de reposición ante o conselleiro de Política Territorial, Obras Públicas e Vivenda, no prazo dun mes contado a partires do día seguinte ó da notificación desta resolución (artigo 116, 117 e 48 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro), para o caso de que se interpoña o recurso potestativo de reposición, ata que sexa resolto expresamente ou se producira a desestimación presunta, non se poderá interpoñe-lo recurso

contencioso-administrativo (artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común modificada pola Lei 4/1999, do 13 de xaneiro).

No suposto de que o interesado sexa unha Administración pública, no lugar do recurso de reposición poderá dirixir ó órgano competente no prazo de dous meses o requirimento previo previsto no artigo 44 da LXCA.

Santiago de Compostela, 10 de maio de 2000.

José Jesús Cudeiro Mazaira

Director xeral de Urbanismo