Advertidos erros na citada orde, publicada no Diario Oficial de Galicia nº 119, do martes 20 de xuño de 2000, cómpre face-la seguintes correccións:
Na páxina 9.594, onde di: «Segundo.-Poderán participar nesta convocatoria.... Así mesmo poderán, de se-lo caso, participa-los funcionarios pertencentes ó corpo de inspectores ó servicio da Adminis
tración educativa», debe dicir: «Segundo.-Poderán participar nesta convocatoria.... Así mesmo poderán, de se-lo caso, participa-los inspectores de educación e funcionarios pertencentes ó corpo de inspectores ó servicio da Administración educativa».
Na páxina 9.596 no convenio: Cáritas diocesanas de Lugo para o desenvolvemento do programa de educación compensatoria «Preescolar na Casa», onde di: «Prazas: A Coruña: 6, Lugo: 6 (1 equipo TV, 1 coordinador), Ourense: 4...», debe dicir: «Prazas: A Coruña: 6, Lugo: 6 (1 equipo TV, 1 coordinador), Ourense: 5...».
Onde di: «Destinos: Provincia de Ourense: 5. Castrelo do Val, Laza, Monterrei, Oímbra, Riós, Verea, Vilardevós», debe dicir: «5. Castrelo do Val, Laza, Monterrei, Oímbra, Riós, Verín, Vilardevós.».
Onde di: «Destinos: Provincia de Pontevedra» debe engadirse: «4. Covelo, A Cañiza, Mondariz, As Neves, Arbo, Crecente, Salvaterra de Miño, Ponteareas.».
No anexo I da citada orde debe engadirse:
posto
Nº do
13 Convenio: coordinador de ASPANAES na provincia da Coruña
Destino Provincia da Coruña: centros en Santiago de Compostela, Culleredo, A Coruña, Ferrol e As Pontes.
Prazas 1 para mestres ou profesores de ensino secundario.
Funcións Coordinador educativo dos centros concertados coa Consellería de Educación e Ordenación Universitaria e a asociación ASPANAES na provincia da Coruña. Traballo en integración social dos xoves diminuídos. Coordinar actividades axeitadas á súa situación. Realizar e, se é o caso, coordinar tódalas actividades escolares e extraescolares dos centros. Traballo en programas de desenvolvemento integral.
Requisitos Experiencia en educación especial. Coñecemento sobre autismo e experiencia con autistas. Dispoñibilidade de vehículo e carné de conducir.
Observacións Horario adaptado ás necesidades do centro.
