En cumprimento do disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e de conformidade co establecido nos artigos 1124, 1504, 1501, 1091 do Código Civil e a cláusula V do contrato de compravenda, notifícaselles ós interesados cos datos e último domicilio (identificado por nº de expediente e conta) que a continuación se relacionan, os requirimentos de pagamento dos recibos pendentes e que ascenden ás cantidades que se sinalan, facéndolles constar que se irán incorporando ó total da débeda os posteriores vencementos que resulten impagados e que lles serán reclamados por tódolos medios legais.

Tendo en conta as obrigas dimanantes dos contratos subscritos por vostedes coa Xunta de Galicia e de acordo co establecido no artigo 84 da Lei 30/1992, do 26 de novembro, de réxime xurídico das adminsitracións públicas e do procedemento administrativo común concédeselles un prazo de dez días hábiles para que se poñan ó corrente das súas obrigas, ou comparezan na delegación provincial, en trámite de audiencia para os efectos de presenta-los documentos e xustificacións que estimen convenientes ó se dereito.

En caso contrario procederase á resolución dos seus contratos e iniciación dos oportunos expedientes de desafiuzamento, co conseguinte lanzamento da vivenda para a súa posterior adxudicación a outro beneficiario, expido, asino e selo esta cédula na Coruña o 23 de maio de 2000.

María Teresa Morán Calero

Xefe de Área provincial da Coruña

ANEXO

Fernando Méndez Carballal e herdeiros.

Expediente: C-3-CD/70 (Desufiuzamento F.P. 28/2000).

Conta:71.

Elviña 2ª fase, bloque 1, P-4, 5º esquerda (A Coruña).

Importe débeda: 123.004 pesetas.