Acordo da Comisión de Goberno do 1 de xuño de 2000 polo que se anuncia concurso en procedemento aberto e polo trámite de urxencia para a contratación das seguintes obras:
1. Pavimentación, beirarrúas e servicios en avenida Outeiro de Rei. Castro de Ribeiras de Lea.
2. Abastecemento de auga en Castro de Ribeiras de Lea. Rede de distribución e reforzamento da dotación ó parque empresarial.
Tipo de licitación IVE incluído:
a) Para a primeira obra: 4.000.000 de pesetas.
b) Para a segunda obra: 14.840.000 de pesetas.
Fianzas: definitiva, que terá que constituí-lo adxudicatario igual ó 4% do importe da adxudicación. Poderá constituírse en calquera das formas admitidas na actual normtiva de contratación.
Plicas: durante os 13 días naturais a partir do último anuncio no BOP de Lugo ou no DOG. Se o último día fose inhábil ou sábado o prazo finalizará o primeiro hábil seguinte.
Apertura de plicas: terá lugar na casa do concello ás 12 horas do quinto día hábil seguinte ó da finalización do prazo de presentación de proposicións (excepto sábados).
Información e obtención de documentación: o modelo de proposición e información sobre a documentación a presentar, así como copia do prego de cláusulas administrativas particulares, poderá obterse nas oficinas municipais do Concello de Castro de Rei, das 9 ás 14 horas. Teléfono: 982 31 40 34 e telefax: 982 31 40 61.
As características peculiares e a documentación para tomar parte no concurso figuran no expediente que consta na secretaría do concello.
Castro de Rei, 2 de xuño de 2000.
Arturo Pereiro Vilariño
Alcalde