A orde da Consellería da Presidencia e Administración Pública, do 29 de decembro de 1999 (DOG do 31 de xaneiro de 2000), pola que se aproban as bases que rexerán as convocatorias de axudas de bolsas correspondentes á promoción xeral da investigación e se procede á súa convocatoria, prevé, no seu anexo III, a concesión de bolsas para persoal auxiliar de investigación (técnicos especialistas de FP-2).

De acordo co establecido na base A.3 do dito anexo, desde o 10 ó 20 de abril de 2000 expuxéronse as listas de solicitudes admitidas e excluídas para a selección de centros habilitados, durante ese mesmo período os interesados puideron formular reclamacións para emendar erros e falta de documentos.

Finalizado este prazo e estudiadas as reclamacións presentadas, as solicitudes admitidas foron estudiadas pola Comisión de Selección de Investigación, creada por Decreto 37/1998, do 30 de xaneiro (DOG do 6 de febreiro), e orde da Consellería da Presidencia e Administración Pública do 21 de abril de 1998 (DOG do 12 de maio), modificada por orde da Consellería da Presidencia e Administración Pública do 26 de abril de 1999 (DOG do 5 de maio).

Así mesmo, a devandita comisión procedeu ó estudio das solicitudes de prórrogas de bolsas de FP-2 presentadas ó amparo do anexo III.C da orde xa citada.

En consecuencia, atendendo á proposta elaborada pola Comisión de Selección de Investigación en relación coas letras A e C do anexo IV da Orde do 18 de xaneiro de 1999 (selección de centros habilitados e prórroga das bolsas de FP-2), esta secretaría xeral

RESOLVE:

Primeiro.

A. Conceder prórroga para desfrutar das bolsas a partir do 1 de novembro de 2000 e nos mesmos centros ós que están adcritas as persoas que se relacionan no anexo I.

B. A contía destas bolsas será de 80.000 ptas. mensuais durante o período da prórroga, segundo o establecido na base 2 da letra B, anexo III, da orde da convocatoria.

C. Para calquera incidencia durante o período de desfrute desta bolsa será de aplicación o disposto no punto B.10 do anexo IV da Orde do 29 de decembro de 1999.

D. A inobservancia por parte dos beneficiarios de calquera das bases establecidas na orde da convocatoria, suporá a perda do dereito a percibi-la subvención correspondente.

Segundo.

A. Habilitar para a adscrición de bolseiros especialistas de FP-2 ós centros que se relacionan no anexo II da presente resolución, os restantes centros habilitados suplentes figuran por orde decrecente de prioridade relacionados no anexo III.

B. De conformidade co establecido no punto B.4 do anexo III da orde de convocatoria do 29 de decembro de 1999, o prazo para que os titulados de FP-2 (ou de estudios equivalentes) participen no concurso para a selección de novos bolseiros, comprenderá desde o día seguinte ó da publicación da presente resolución no DOG ata o 24 de xullo de 2000. As solicitudes deberán axustarse ás bases da convocatoria establecidas no anexo III letra B, da citada Orde do 29 de decembro de 1999.

C. O prazo de exposición das listas de solicitudes admitidas e excluídas, previsto na base B.5 da convocatoria abranguerá desde o 4 ó 14 de setembro de 2000 (ambos incluídos), podendo os interesados, durante o mesmo período, formular reclamacións para emendar erros e faltas de documentos ante a Secretaría Xeral de Investigación e Desenvolvemento, achegando, se é o caso, a documentación necesaria. Transcorrido este prazo sen que se emenden as causas de exclusión, procederase ó arquivo do expediente, notificándolle ó interesado conforme o previsto nos artigos 42 e 71 da Lei 4/1999, do 13 de xaneiro, pola que se modifica a Lei 30/1992,

de réxime xurídico das administracións públicas e do procedemento administrativo común.

Terceiro.

Contra esta resolución poderán os interesados interpoñer potestativamente recurso de reposición ante o mesmo órgano no prazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpoñer recurso contencioso-administrativo ante a Sala do Contencioso-Administrativo do Tribunal Superior de

Xusticia de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

A presente resolución entrará en vigor o día ó seguinte ó da súa publicación no Diario Oficial de Galicia.

Santiago de Compostela, 6 de xuño de 2000.

Miguel A. Ríos Fernández

Secretario xeral de Investigación e Desenvolvemento

ANEXO I

Relación de beneficiarios das prórrogas das bolsas de FP-2

ANEXO II

Relación de centros habilitados para a incorporación de bolseiros de FP-2

ANEXO III

Relación de centros habilitados suplentes para a incorporación de bolseiros de FP-2