Aprobado polo Pleno do Concello na súa sesión celebrada o día 5 de xuño de 2000, o prego de condicións técnicas e económico administrativas para a contratación, por concurso e mediante procedemento aberto, da xestión do servicio de limpeza viaria, recollida domiciliaria de lixo, subministración, distribución e mantemento de recipientes normalizados e transporte dos residuos do municipio de Vilalba, en réxime de concesión administrativa.
1. Obxecto do contrato: é obxecto do contrato a xestión do servicio de limpeza viaria, recollida domiciliaria do lixo, subministración, distribución e mantemento de recipientes normalizados e transporte dos residuos do municipio de Vilalba, en réxime de concesión administrativa.
2. Duración do contrato: 20 anos improrrogables, computados estes a partir do inicio do servicio.
3. Tipo de licitación: establécese como tipo de licitación a cantidade anual de sesenta millóns de ptas. (60.000.000), 360.607,2626 euros, incluído o IVE e calquera outro imposto que resulte de aplicación, que constitúe o prezo máximo do contrato.
4. Procedemento e forma de adxudicación: o contrato adxudicarase por concurso e procedemento aberto.
5. Proposicións, lugar e prazo de presentación: os licitadores poderán presentar proposicións dentro do prazo de 20 días naturais seguintes ó da última publicación do anuncio no DOG ou no BOP da provincia de Lugo.
Cada licitador só poderá presentar unha proposición, cun máximo de dúas variantes.
6. Garantía provisional: 1.200.000 ptas.
7. Garantía definitiva: 4% do orzamento do contrato.
8. Criterios de adxudicación: os sinalados no prego de condicións técnicas e económico-administrativas.
9. Documentación: a información e documentación estará á disposición dos interesados na Secretaría do Concello de Vilalba.
Teléfono: 982 51 03 05. Fax: 982 51 18 15.
10. Apertura de proposicións: terá lugar ás 12 horas do cuarto día hábil seguinte a aquel en que remate o prazo de presentación de proposicións.
11. Modelo de proposición: o que figura no prego de cláusulas.
12. Reclamacións: poderán presentarse reclamacións contra o prego de condicións, no rexistro xeral do concello durante o prazo de 8 días hábiles contados a partir da última publicación deste anuncio no DOG ou no BOP, da provincia de Lugo. Ó mesmo tempo e de conformidade co disposto no artigo 122.2º do Real decreto 781/1986, anúnciase simultaneamente o concurso, se ben, no suposto de que se presentasen reclamacións contra o prego de condicións, o concurso quedará aprazado ata que estas se resolvan.
O custo deste anuncio será por conta do adxudicatario.
Vilalba, 8 de xuño de 2000.
O alcalde
Rubricado