O consello da Xerencia Municipal de Urbanismo, en sesión do 1 de xuño de 2000, adoptou o seguinte acordo:
Aprobar definitivamente o proxecto de urbanización da U.E. IV-12 Ramón Nieto 6 (expediente 4164/401), presentado pola entidade Pirsa O Gorve, S.A., e redactado polos arquitectos José Luis Pereiro Alonso e Borja Ramilo Méndez, con visado do COAG con data do 18 de outubro de 1999, coas seguinte precisións:
-Ó preverse un sistema separativo de rede de sumidoiros, os rexistros levarán tapas que indiquen a que rede pertencen, saneamento ou pluviais. Cando se rematen as obras e para a súa recepción, entregaranse planos definitivos en soporte magnético.
-A localización exacta dos puntos de luz será definida conxuntamente polos técnicos municipais no planeamento (replanteo) previo á execución da instalación.
-As canalizacións de gas deberanse adaptar ós planos adxuntos de detalle de tubos enterrados en zonas axardinadas baixo beirarrúas e baixo calzada.
-A canalización discorrerá preferentemente pola beirarrúa, debendo sinalizarse claramente en superficie a traza mediante placas indicativas, que deberán indica-la traza de rede e os cambios de dirección. A distancia entre placas non deberá superar, en ningún caso, os 25 metros.
A aprobación definitiva do proxecto de urbanización está suxeita á condición suspensiva de prestación do aval polo 100% do orzamento das obras e que ascende as 65.102.000 pesetas.
Contra o devandito acordo, que pon fin á vía administrativa, poderán interpoñerse os seguintes recursos:
a) Potestativo de reposición, ante o consello Xerencia Municipal de Urbanismo de Vigo, no prazo dun mes a partir do día seguinte ó da publicación do presente anuncio.
b) Contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ó da publicación deste anuncio.
c) Calquera outro recurso que se considere oportuno e sexa procedente interpoñerse.
De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio, notifícaselle-lo acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.
Vigo, 6 de xuño de 2000.
Lois Pérez Castrillo
Alcalde-presidente da Xerencia Municipal
de Urbanismo