A grande demanda existente desde a entrada en vigor do Euro-Observatorio Galego, así como a aproximación da aparición da nova moeda que vai afectar a tódolos cidadáns e que por tanto está creando numerosas inquietudes, fan necesaria unha reasignación de funcións e competencias de acordo cos principios de celeridade e eficacia que deben presidi-la actuación administrativa.
Na súa virtude, por proposta do conselleiro de Industria e Comercio e logo de deliberación do Consello da Xunta de Galicia na súa reunión do día dous de xuño de dous mil,
DISPOÑO:
Artigo 1º
Engádese un parágrafo ó artigo 2, do Decreto 289/1999, do 14 de outubro, polo que se crea o Euro-Observatorio Galego, que queda do seguinte modo:
«Cando algún membro non poida acudir, poderá ser substituído pola persoa que designe».
Artigo 2º
Modifícase o punto 2 do artigo 5, que queda redactado do seguinte modo:
«2. Cando algún membro da comisión executiva non poida acudir, poderá ser substituído pola persoa que designe».
Artigo 3º
Modifícase o artigo 5 para engadirlle o punto 3, que queda redactado do seguinte modo:
«3. A comisión executiva exercerá as funcións sinaladas nos números 1, 4, 6, 7, 8 do artigo 3º deste decreto».
Disposición derradeira
Este decreto entrará en vigor o día seguinte ó da súa publicación no Diario Oficial de Galicia.
Santiago de Compostela, dous de xuño de dous mil.
Manuel Fraga Iribarne
Presidente
Juan Rodríguez Yuste
Conselleiro de Industria e Comercio