No BOP de Ourense nº 119 do 26 de maio, aparece publicado o texto íntegro do acordo do pleno municipal do 13 de maio, de aprobación definitiva do Plan xeral de ordenación municipal, así como o contido da normativa urbanística do referido plan.
O que se fai público para os efectos oportunos, facendo constar que este acordo pon fin á vía administrativa e que, en contra del pódese interpoñer potestativamente o recurso de reposición ante o pleno municipal, no prazo dun mes, como trámite previo ó contencioso-administrativo, ou ben directamente o recurso contencioso-administrativo ante o Tribunal Superior de Xustiza de Galicia, no prazo de dous meses, todo isto de conformidade co disposto nos artigos 52 da Lei 7/1985, 116 e 177 da Lei 4/1999 e 46 da Lei 29/1998 e demais lexislación concordante, sen prexuízo de que se poida utilizar calquera outro recurso que os interesados consideren pertinente.
Coa publicación deste anuncio no BOP de Ourense e no DOG, queda cumprida a esixencia do artigo 59.3º a) da Lei 30/1992, modificada pola Lei 4/1999.
O Pereiro de Aguiar, 29 de maio de 2000.
Eliseo Fernández Gómez
Alcalde