De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común e da Lei 4/1999, que modifica parcialmente a citada Lei 30/1992 notifícaselle á persoa que se relaciona no anexo, na súa condición de promotor, a proposta de resolución que formula o instructor polos feitos sinalados, presumiblemente constitutivos dunha infracción á Lei 22/1988, do 28 de xullo, de costas (no sucesivo L.C.) e do seu regulamento (en adiante R.C.).
O que se lle comunica ó interesado de conformidade cos artigos 19.1º do Real decreto 1398/1993 e 194.10º do Regulamento de costas, para que, no prazo de quince (15) días, a partir da publicación deste anuncio no Diario Oficial de Galicia, poida obte-las copias dos documentos obrantes no expediente que coide oportunos e formula-las alegacións e presenta-los documentos que crea pertinentes, perante o instructor do procedemento.
Pontevedra, 24 de abril de 2000.
José Luis Díez Yáñez
Delegado provincial de Pontevedra
ANEXO
Expediente número: 82.2/1994.
Denunciado/a: José Calvo Rosendo.
Condición: promotor.
Último enderezo coñecido: Sta. Cristina, nº 14, Sta. Cristina de Cobres-Vilaboa .
Data da proposta: 11-4-2000.
Feitos: construcción de estructura para vivenda unifamiliar.
Lugar: río Maior-Sta. Cristina de Cobres.
Concello: Vilaboa.
Proposta: en aplicación dos artigos 95.1º e 97.1º da L.C. e artigos 179.1º e 180 b) do R.C. proponse a imposición, a José Calvo Rosendo, na súa condición de promotor, dunha multa de duascentas catro mil duascentas corenta e unha pesetas (204.241 ptas.), que deberá aboar ingresando na conta número 2091-0388-90-3110001181 da oficina de Caixa Galicia en Pontevedra a citada cantidade, desde que sexa definitiva en vía administrativa a resolución que recaia, e que se lle ordene volve-los terreos nos que se executou a obra obxecto deste expediente ó seu primitivo estado; deberá realizalo no prazo dun mes desde que sexa definitiva en vía administrativa a resolución que recaia sobre o particular.