Obxecto do contrato: é a redacción do proxecto básico e de execución, construcción e xestión dun
aparcadoiro subterráneo público para o estacionamento de vehículos na Choupana, no espacio delimitado para tal efecto no polígono 2 do SUP 5. Tamén incluirá a construcción dos accesos provisionais que posibiliten a súa entrada en funcionamento, así como o acondicionamento da zona verde deportiva en superficie.
Duración da concesión: o prazo da concesión establécese en cincuenta anos contados a partir do inicio da prestación do servicio.
Clasificación do contratista: para a execución das obras esíxese a seguinte clasificación: grupo C, categoría f.
Prazo de execución das obras: 12 meses contados desde a sinatura da acta de comprobación do replanteo.
Canon: será proposto na súa oferta económica por cada licitador, sen que poida ser inferior a 2.000 pesetas ano/praza (12,02 euros).
Tarefas: os licitadores proporán un cadro de tarefas, con indicación do prezo por media hora, hora, fracción, día completo e abono mensual. Así mesmo, indicarase o importe das tarefas bonificadas e prezos das prazas en réxime de cesión.
Procedemento e forma de adxudicación: o contrato adxudicarase por concurso por procedemento aberto.
Proposicións: lugar e prazo de presentación: os licitadores poderán presentar proposicións no Rexistro Xeral de Entrada do Concello de Santiago de Compostela dentro do prazo de 26 días naturais, que comezarán a contarse desde o día seguinte ó da data da última das publicacións que corresponden facer no Diario Oficial de Galicia e no BOP da Coruña.
Criterios de adxudicación: son os sinalados no artigo 26.6º do prego de cláusulas económico-administrativas.
Garantías:
Provisional: 1.000.000 de ptas.
Definitiva: pola xestión do aparcadoiro: 15.000.000 de ptas.
Pola execución das obras: 4% do orzamento das obras.
Documentación: información e documentación: Copy Nova, rúa Nova de Abaixo nº 12, local 4. Teléfono: 981 59 23 93. Santiago de Compostela.
Apertura de plicas: terá lugar en acto público na casa do concello (Secretaría) ás 12 horas do quinto día hábil seguinte a aquel no que finalice o prazo de presentación de proposicións.
Modelo de proposición:
D....., con domicilio en....., rúa....., nº....., teléfono....., con DNI (ou pasaporte ou documento que os substitúa) nº....., actuando en nome propio (ou en representación de....., DNI ou CIF nº..... e domicilio en....., participa no concurso, por procedemento
aberto, para a adxudicación da construcción e xestión do aparcadoiro na Choupana, en Santiago de Compostela, e para estes efectos fai constar:
1. Que ofrece o prezo de:
Canon:.....
Tarefas:.....
2. Que coñece e acepta cantas obrigas se deriven dos pregos de condicións deste contrato.
3. Que xunta a documentación esixida no prego de condicións.
En...., o..... de.... de 2000.
O licitador (asinado e rubricado).
Reclamacións: simultaneamente ó de licitación exponse ó público o prego de condicións, contra o que se poderán presentar reclamacións no rexistro xeral do Concello de Santiago de Compostela, durante o prazo de oito días hábiles, contados a partir da publicación deste anuncio no BOP da Coruña.
Santiago de Compostela, 16 de maio de 2000.
Luis Tojo Ramallo
Tenente alcalde