Obxecto do contrato: explotación da prestación do servicio municipal de axuda no fogar, que se prestará a persoas que atravesan circunstancias especiais, tales como limitación da súa autonomía persoal ou desintegración familiar.
Tipo de licitación: a empresa percibirá a cantidade de 1.085 ptas./hora (6,52 euros/hora), IVE incluído, tal e como vén establecido o Regulamento municipal do servicio de axuda no fogar, garantíndolle o concello de Santiago de Compostela ó adxudicatario uns ingresos mínimos anuais de 12.000.000 de ptas. (72.121,4 euros), IVE incluído; a cantidade máxima anual que se vai percibir é a de 21.000.000 de ptas. (126.212,5 euros), IVE incluído.
Prazo de execución: o prazo de execución do contrato será dun ano que se contará a partir do día da súa formalización. Este prazo poderá prorrogarse ata un máximo de catro anos.
Clasificación do contratista: III, 8, A.
Forma de adxudicación: concurso por procedemento aberto.
Proposicións: os licitadores poderán presentar proposicións no Rexistro Xeral de Entrada do Concello de Santiago de Compostela, das 9 ás 14 horas, dentro do prazo de 15 días naturais que comezará a contarse e se entenderá aberto desde o día seguinte ó da data da derradeira das publicacións que corresponden facer no Diario Oficial de Galicia e no BOP da Coruña.
Documentación: información e documentación: Concello de Santiago de Compostela (Departamento de Contratación - Servicios). Telf.: 981 54 23 24. Fax: 981 57 76 27.
Criterios de adxudicación: son os que seguen, enumerados por orde decrecente de importancia para os efectos de cualifica-las ofertas:
Mellor programa de prestación do servicio: ata 15 puntos.
Maior experiencia na prestación de servicios de índole similar: ata 10 puntos.
Garantías: provisional: non se esixe. Definitiva: 4% do importe de adxudicación, que poderá constituírse en forma de retención de parte do prezo.
Apertura de plicas: terá lugar en acto público na casa do concello (secretaría) ás 12 horas, o primeiro día hábil seguinte ó da finalización do prazo de presentación de proposicións:
Modelo de proposición:
D/Dona....., con domicilio en..... e DNI nº...., actuando en nome propio ou en representación de....., con domicilio en....., toma parte no concurso convocado polo Concello de Santiago de Compostela para a prestación do servicio de axuda no fogar, e fai constar que coñece e acepta o prego de cláusulas económico-administrativas e que se compromete a realiza-lo dito traballo de acordo co devandito prego e polo prezo que nel se sinala.
O licitador:
Neste contrato enténdese que os contratistas, ó formularen as súas propostas económicas, incluíron o importe do IVE.
Reclamacións: simultaneamente ó de licitación exponse ó público o prego de condicións, contra o que se poderán presentar reclamacións no rexistro xeral do Concello de Santiago de Compostela, durante o prazo de oito días hábiles, contados a partir da publicación deste anuncio no BOP.
Santiago de Compostela, 26 de maio de 2000.
Luis Tojo Ramallo
Tenente alcalde