A Comisión de Goberno, na súa sesión extraordinaria do día 13 de outubro de 1999, acordou aprobar inicialmente o proxecto de urbanización promovido por Antonio Lista García, en representación de Listygar, S.L, para a apertura de pista á altura do nº 119 da avenida Manuel Platas Varela -Arteixo, según proxecto redactado polo arquitecto Daniel -Ángel Gómez Frutos e visado polo COAG con data do 11 de agosto de 1998, o cal queda sometido a información pública polo prazo dun mes, contado a partir do día seguinte ó da publicación deste anuncio.
Durante o devandito prazo as persoas interesadas poderán examina-lo seu contido comparecendo nas dependencias do Servicio Municipal de Urbanismo, sitas na avenida do Balneario, nº 10-1º, Arteixo, e presenta-las alegacións que consideren convenientes (expediente 33/1998 PUR).
Arteixo, 4 de maio de 2000.
P.D. (Decreto 587/1999)
María Isabel Vila Vilas
Primeira tenente de alcalde