De conformidade co disposto no artigo 59.4º da Lei 4/1999, do 13 de xaneiro, que modifica a Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publica-lo acordo de iniciación do procedemento sancionador por infracción á Lei do 20 de decembro de 1952, sobre epizootias (BOE do 23 de decembro), e ó seu Regulamento do 4 de febreiro de 1955, modificado entre outros, polo Real decreto 1665/1976, do 7 de maio (BOE do 21 de xuño), polo que se actualizan as sancións, posto que, intentada a notificación, esta non puido ser efectuada polo servicio de correos.
Noméase instructora do procedemento a Paloma Puente Sánchez, funcionaria desta delegación, podendo promove-la súa recusación en calquera momento da tramitación do procedemento, se concorre algunha das circunstancias previstas no artigo 29 da Lei 30/1992 citada.
A resolución será acordada polo delegado provincial desta consellería.
O interesado disporá dun prazo de quince días, contados a partir do seguinte ó de publicación desta
notificación, para que poida exanima-lo expediente na Delegación Provincial desta desta consellería na Coruña, sita no edificio administrativo de servicios múltiples, Monelos, e para achegar por escrito cantas alegacións, documentos, informacións ou propostas de probas considere convenientes en defensa dos seus dereitos.
Conforme o establecido no artigo 13.2º do Regulamento do procedemento para o exercicio da potestade sancionadora, do 4 de agosto de 1993, de non se efectuaren alegacións no prazo anterior, este acordo de iniciación poderá ser considerado proposta de resolución, determinándose, para estes efectos, o importe da sanción.
O pagamento voluntario porá fin ó expediente. Para efectualo deberá emprega-lo impreso normalizado que lle será facilitado nesta delegación provincial, sita no edificio administrativo de servicios múltiples, Monelos, A Coruña.
O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo R.D. 1398/1993, do 4 de agosto (BOE nº 189, do 9 de agosto).
A Coruña, 9 de maio de 2000.
Rogelio del Valle Múñoz-Cobo
Delegado provincial da Coruña
ANEXO
Expediente: 042SA/2000.
Denunciado: Vidal Pombo, José .
DNI: 35.213.352-F.
Último enderezo coñecido: Aios, nº 104, Sanxenxo (Pontevedra).
Feito denunciado: transportar no vehículo Toyota Celica, matrícula PO-2699-BH, dous animais bovinos procedentes de Amio con destino ó seu domicilio, carecendo do certificado de inscrición do vehículo para transportar animais vivos, no Ser. de Producción e Sanidade Animal desta consellería.
Tipificación da infracción. Regulamento epizootias: 52.4º do Regulamento de epiz. e 5.2º da Orde do 4-4-1997 en relación con 224 do mesmo regulamento.
Sanción proposta: 15.000 ptas.
