Finalizado o prazo fixado na Resolución do 16 de marzo de 2000 (DOG nº 59, do 24 de marzo), pola que se fan públicas as listas provisionais para a cobertura con carácter temporal de postos de traballo correspondentes á categoría 024 (xastre/a) do grupo IV (lista B), e vistas pola Comisión Permanente de Selección de Persoal Laboral, na súa sesión do día 18 de maio de 2000, as alegacións formuladas polos interesados, esta dirección xeral
RESOLVE:
Primeiro.-Facer público o anexo a esta resolución coa relación de aspirantes que foron excluídos nas listas provisionais, do grupo IV categoría 024 (xastre/a) (lista B), e que emendaron a causa de exclusión en tempo e forma.
Segundo.-Os solicitantes relacionados estarán obrigados, no prazo de 5 días hábiles (artigo 50 da Lei 30/1992, do 26 de novembro), contados a partir do día seguinte ó da publicación desta resolución no Diario Oficial de Galicia, a remitir á Dirección
Xeral da Función Pública o xustificante do aboamento das taxas que a continuación se expresa.
Grupo IV: 4.700 ptas.
Os que así non o fixesen no prazo indicado serán excluídos automaticamente das listas.
Estarán exentos do aboamento de taxas por dereito de inscrición os que foron admitidos no último proceso selectivo para o acceso á mesma categoría, de acordo coa base terceira da resolución da Dirección Xeral da Función Pública do 30 de xuño de 1999, e corrección de erros do 13 de outubro.
Así mesmo, gozarán da exención desta taxa as persoas con discapacidade igual ou superior ó 33%, logo de xustificación documental.
Os que non o fixesen así no prazo sinalado, serán excluídos automaticamente das listas.
Os interesados disporán dun prazo de cinco días hábiles (artigo 50 da Lei 30/1992, do 26 de novembro), contados a partir do día seguinte ó da publicación desta resolución no DOG, para a emenda de erros que puidesen existir na puntuación relacionada no anexo ou formula-las alegacións que consideren oportunas, que deberán dirixir á Comisión Permanente de Selección de Persoal Laboral (Dirección Xeral da Función Pública).
Santiago de Compostela, 30 de maio de 2000.
Joaquín López-Rúa Soler
Director xeral da Función Pública
ANEXO I
Grupo IV. Categoría 024.
DNI Apelidos Nome B1 B2 B3 B4 B5 B6 B7 B8 Total
32.369.709 Martínez Blanco María Manuela A. 0 0 0 0 0 0 0 0
35.234.740 Pazos Pazos María Carmen 0 0 0 0 0 0 0 0
33.254.291 Rial Rial Ángeles 0 0 0 0,2 0 0 0,5 0 0,7
76.330.004 Ucha Docal María Carmen 0 0 0 0,1 0 0 0 0,1