Advertida a omisión da acta á que se fai referencia na publicación do dito convenio no Diario Oficial de Galicia número 105, do pasado mércores 31 de maio de 2000, cómpre publicala a seguir:
«En Ourense, sendo as vinte horas do luns 3 de abril de 2000, reúnense nos locais da ACO os abaixo asinantes, membros integrantes da comisión paritaria convencional, autorizados expresamente e para o efecto polas partes asinantes do convenio, previamente convocados, co obxecto de cumpri-lo requirimento remitido pola Consellería de Xustiza, Interior e Relacións Laborais, adoptando, logo de deliberación, exame e debate, e posterior votación, os seguintes acordos por unanimidade:
Acordo primeiro (forma e condicións da denuncia do convenio, así como o prazo de preaviso).
As partes, de común acordo, aproban por unanimidade, adicionarlle ó artigo 4º -duración- do convenio o seguinte texto:
«...A denuncia será sempre expresa e por escrito, e cunha antelación mínima dun mes á data do seu vencemento ou de calquera das súas prórrogas, se é o caso».
Acordo segundo.-Que tal e como se deduce do teor literal das actas asinadas polos negociadores, as partes que o subscribiron foron o Fecoma-CC.OO. e o MCA-UGT pola parte social e a ACO pola económico-empresarial, polo que por unanimidade acordan ratifica-la dita sinatura, pacto e convenio.
E lido por tódolos interviñentes e encontrándoo totalmente conforme, asínano en doce exemplares, e para un só efecto, no lugar e data mencionados no encabezamento».
Seguen tres rúbricas e tres selos.