O Consello da Xerencia Municipal de Urbanismo, en sesión do día 4 de maio de 2000, acordou aprobar inicialmente e de oficio a delimitación do polígono na estrada de Camposancos, Santo André de Comesaña (expediente 5376/411) cunha superficie de

7.223,45 m, correspondente a 4 parcelas de tres propietarios: ó concello cunha superficie de 1.483,00 m; Víctor Toca, Grupo de Empresas, S.L; cunha superficie de 5.100 m; e San Andrés Park, S.L. que é titular de dúas parcelas de 167,70 m e 472,75 m, respectivamente, e que ten os seguintes lindeiros:

Norte: terreos do concello de Vigo e Talleres Doal, S.A.

Sur: Talleres Rovi e Talleres Ante-Napa-Piel.

Leste: estación de servicio San Andrés Park, S.L. e estrada de Camposancos.

Oeste: terreos do Concello de Vigo.

Sométese o dito expediente ó trámite de información pública polo prazo mínimo de vinte días contados desde o seguinte ó da súa publicación no DOG. A documentación atópase na oficina de información da Xerencia Municipal de Urbanismo ó dispor do público, planta baixa do edificio da xerencia.

Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 16 de maio de 2000.

Lóis Pérez Castrillo

Alcalde-presidente da Xerencia Municipal

de Urbanismo