A Comisión de Goberno, na sesión do día 10 de abril de 2000, acordou aprobar definitivamente a delimitación da unidade de actuación número 12 do PERI de Ponte Pedriña, (UA-12), adoptando como sistema de actuación o de cooperación.
Na mesma sesión, a Comisión de Goberno acordou o inicio do expediente de reparcelación do polígono delimitado e que os servicios técnicos municipais redacten o correspondente proxecto de reparcelación da unidade.
O inicio de expediente de reparcelación comporta a suspensión do outorgamento de licencias de edificación e parcelación no ámbito delimitado.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá iterpoñerse recurso potestativo de reposición ante a Comisión de Goberno do concello no prazo dun mes, contado desde a mesma data.
Co obxecto de que lles sirva de citación a tódolos propietarios de paradoiro ou identidade descoñecida que non poidan ser citados persoalmente, publícase a seguir a relación das parcelas e dos propietarios afectados pola reparcelación:
1. Parcela 1 (número 23 da rúa do Ulla). Propietario: José Viña Iglesias, María Matilde Liste Llorente.
2. Parcela 2 (número 21 da rúa do Ulla). Propietario: Manuel Salguiero Castro, Esperanza Salgueiro Castro.
3. Parcela 3 (número 19 da rúa do Ulla). Propietario: Jesusa García Vilar.
4. Parcela 4 (número 17 da rúa do Ulla). Propietario: Esclavitude Quintáns Aldrey.
5. Parcela 5 (número 15 da rúa do Ulla). Propietario: herdeiros de José San Luis Calvelo e Dolores García Mareque.
Xosé A. Sánchez Bugallo
Alcalde