Por decreto de alcaldía, do 15 de maio de 2000, aprobouse o prego de cláusulas administrativas particulares para a contratación, mediante concurso con procedemento aberto por tramitación urxente, da subministración de perfilería de aluminio e accesorios para o Edificio Multiusos de Carballo, o cal se expón ó público polo prazo de oito días contados a partir do seguinte ó da inserción do último anuncio no DOG, no BOP ou na prensa, para que poidan presentarse reclamacións.

Simultaneamente, anúnciase concurso público, aínda que a licitación se aprazará, cando resulte necesario, no suposto de que se formulen reclamacións contra o prego de condicións.

Tipo de licitación: 14.973.787 ptas.

Prazo de subministración: 35 días seguintes ó da adxudicación do contrato.

Fianza provisional: 299.476 ptas.

Fianza definitiva: 4% sobre o importe de adxudicación.

Apertura de plicas: a apertura de plicas terá lugar na casa do concello ás 12 horas do terceiro día seguinte hábil a aquel en que remate o prazo de presentación de propostas, salvo se é sabado, que se trasladará ó luns seguinte.

Proposicións:

Lugar e prazo de presentación: presentaranse no rexistro xeral da corporación, das 9 ás 14 horas, dentro do prazo de trece (13) días naturais contados desde o día seguinte ó da ultima publicación.

Documentación: presentarase en 3 sobres pechados conforme se indica no prego de condicións que se encontra exposto na secretaría do concello.

Tódolos anuncios serán por conta do adxudicatario.

Carballo, 23 de maio de 2000.

Manuel Varela Rey

Alcalde