En virtude do establecido nos artigos 8º, parágrafo terceiro, e 10º f) da Lei 6/1995, do 28 de xuño, pola que se crea o Consello Económico e Social de Galicia, e nos artigos 8º e 9º e) do Regulamento de réxime interno deste, publicado no DOG nº 114, do 11 de xuño de 1996, e de acordo coas propostas efectuadas polas organizacións correspondentes
DISPOÑO:
Artigo único.-Que cesen como membros titulares do Consello Económico e Social de Galicia,Marijé Díaz Sánchez, Eduardo Fernández Pérez e Manuel Lago Peñas, e como membros suplentes dos anteriores, Eusebio Justos Santos, Luis Álba Álvarez e Rafael Sánchez-Fernández García, en representación do Sindicato Nacional CC.OO. de Galicia, e o cesamento de Magoya Méndez Martínez como membro suplente do Consello Económico e Social de Galicia en representación da Confederación de Empresarios de Galicia.
Santiago de Compostela, quince de maio de dous mil.
Manuel Fraga Iribarne
Presidente