Eu, Camilo J. García-Puertas Magariños, secretario do Xulgado do Social número dous de Santiago de Compostela, dou fe de que nestes autos de xuízo verbal número 130/2000, seguidos neste Xulgado do Social número dous de Santiago de Compostela, por instancia de Beatriz Fernández Nieto e Ángeles Castro Romero, contra José Francisco García e Outros, C.B., José F. García González, Salustiano López Calo e Ángel Trens Vicente, en reclamación de despedimento, se dictou, con data do 6 de abril de 2000, sentencia cunha decisión do teor literal seguinte:
«Que estimando a demanda promovida por Beatriz Fernández Nieto e Ángeles Castro Romero, fronte á comunidade de bens José Francisco García e Outros, C.B., J. Salustiano López Calo, Ángel Trens Vicente e José F. García González, debo declarar e declaro a improcedencia do despedimento de que foron obxecto as demandantes e condeno os ditos codemandados a optaren entre a readmisión das traballadoras demandantes no seu posto de traballo ou o aboamento da cantidade de cento vinteoito mil trescentas corenta e sete pesetas (128.347 pesetas) a favor da Sra. Castro, e cento vintesete mil duascentas vinteseis pesetas (127.226 pesetas) a favor da Sra. Fernández, respectivamente, en concepto de indemnización, opción que deberán exercer no prazo de cinco días desde a notificación desta sentencia, mediante escrito e comparecencia perante este xulgado, advertíndoos de que, de no a realizaren, se entenderá que procede a primeira, con aboamento en ámbolos casos da cantidade de trescentas nove mil cento
vinteoito pesetas (309.128 pesetas) para cada unha delas en concepto de salarios de tramitación, e a un haber diario de catro mil cincocentas corenta e seis pesetas (4.546 pesetas) para cada unha das demandantes desde a data ata que se notifique esta resolución».
E para que lle sirva de notificación de sentencia a J. Francisco García e Outros, C.B., con domicilio na Avda. da Constitución s/n, edificio Fonseca, de
Boiro, A Coruña, hoxe en paradoiro descoñecido, facéndolles saber que contra ela poderán interpor recurso de suplicación para ante a Sala do Social do Tribunal Superior de Xustiza de Galicia, o cal deberá ser anunciado, por escrito ou comparecencia, no termo de cinco días contados desde o seguinte ó de notificación da sentencia e con expresa advertencia de que, de se-lo recorrente, os condenados deberán exhibir ante este xulgado o xustificante acreditativo de ter depositado na conta de recursos deste Xulgado do Social número dous, nº de identificación: 5608, aberta no Banco Bilbao-Vizcaya, oficina 5947, sita na rúa Senra nº 3 desta cidade, a cantidade obxecto de condena (clave de ingreso 60), podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista e acreditar ter depositada na indicada conta (clave de ingreso 65) a cantidade de vintecinco mil pesetas (25.000 pesetas), preceptiva
legalmente para recorrer, requisitos sen os cales non se terá por anunciado o dito recurso.
E así mesmo, para que conste para efectos de publicación no Diario Oficial de Galicia, expido e asino esta cédula de notificación de sentencia, en Santiago de Compostela o venres 28 de abril de 2000.
O secretario xudicial
Rubricado
