En cumprimento do disposto no artigo 28 do Regulamento para a execución da Lei 13/1989, do 10 de outubro, de montes veciñais en man común, aprobado por Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico
das administracións públicas e do procedemento administrativo común, faise constar que:
O Xurado Provincial de Clasificación de Montes Veciñais de Pontevedra dictou a seguinte resolución:
Asistentes.
Presidente: José Luis Díez Yáñez (delegado provincial da Consellería de Medio Ambiente).
Vocais: Serafín Quinteiro Blanco (avogado polo colexio da provincia), Teodoro Arribas Serrano (xefe do Servicio de Montes e Ind. Forestais), Luis Mª Muíños Vidueira (letrado da Asesoría Xurídica da Xunta).
Vocais representantes do lugar de Meiro do concello de Bueu: Constante Portela Vilas. Manuel Portela Estévez.
Secretaria: Mª José León Gómez (xefa do Servicio Técnico-Xurídico da Delegación de Medio Ambiente).
Na cidade de Pontevedra, sendo as dezasete horas e trinta minutos do día 12 de abril do 2000, coa asistencia das persoas á marxe citadas reúnese na 3ª planta do edificio sito no nº 47 da rúa Benito Corbal o Xurado Provincial de Clasificación de Montes Veciñais en Man Común co obxecto de decidir sobre a clasificación dos montes Castrillón e outros, do lugar de Meiro do concello de Bueu.
Antecedentes de feito.
Primeiro.-Formulada solicitude de clasificación pola xestora do lugar de Meiro do concello de Bueu dos montes Castrillón e outros, o Xurado Provincial de Clasificación de Montes Veciñais en Man Común, na súa reunión do 4-6-1997, acordou inicia-los trámites para a clasificación dos referidos montes, así como a remisión da solicitude e documentación achegada ó Servicio de Montes e Industrias Forestais da daquela Delegación Provincial de Agricultura, Gandería e Montes de Pontevedra, para o seu estudio e informe.
Segundo.-Cumprida e observada a tramitación legal e regulamentariamente esixida, formulouse oposición á clasificación instada polos veciños dos lugares de Trasouto e A Graña pertencentes igualmente á mesma parroquia de Bueu, figurando comparecidos no expediente e representados por Antonio Novas Loira, sinalando que son eles os que tradicionalmente e desde tempo inmemorial veñen facendo uso e aproveitamento dos montes citados e non os do lugar de Meiro.
Terceiro.-Así mesmo, o Concello de Bueu remite acordos da Comisión do Goberno de datas 7 de agosto de 1997 e 15 de abril de 1999 nos que manifesta a máis rotunda oposición á clasificación dos montes solicitados a favor dos veciños do lugar de Meiro, dado que non aparecen claramente delimitados os lugares de Trasouto, A Graña e Meiro que disputan a súa titularidade, co que a clasificación a favor dun deles daría lugar a profundos enfrontamentos entre veciños e sería dificil a determinación da condición de veciño para efectos de posuí-la titularidade dos montes dos cales se pretende a clasificación.
Cuarto.-Os montes Castrillón, Coto, Feira, Esquina de Paradela, Capoeiro, Lagarteira de Riba, Lagarteira de Baixo, Golbada e Cachadiña, obxecto do presente expediente de clasificación, obedecen á seguinte descrición:
Concello: Bueu.
Lugar: Meiro.
Nome do monte: Castrillón.
Cabida: 2,019 ha.
Lindes:
Norte: cruzamento de camiños e predios particulares.
Sur: pista forestal e predios particulares.
Leste: predios particulares.
Oeste: pista forestal.
Nome do monte: Coto.
Cabida: 0,163 ha.
Lindes:
Norte: camiño de servidume e predios particulares.
Sur: camiño de servidume.
Leste: predios particulares.
Oeste: camiño de servidume e predios particulares.
Nome do monte: Feira.
Cabida: 0,153 ha.
Lindes:
Norte: predios particulares.
Sur: predios particulares.
Leste: camiño veciñal asfaltado.
Oeste: predios particulares.
Nome do monte: Esquina de Paradela.
Cabida: 0,05 ha.
Lindes:
Norte: estrada de Outeiro a Meiro.
Sur: camiño de Outeiro a Meiro (San Antoniño).
Leste: estrada e predio particular con peche de cachotería.
Oeste: camiño.
Nome do monte: Capoeiro.
Cabida: 0,024 ha.
Lindes:
Norte: camiño de Meiro á Graña.
Sur: camiño de Meiro á Graña.
Leste: propiedades particulares.
Oeste: camiño público da Graña.
Nome do monte: Lagarteira de Riba.
Cabida: 0,023 ha.
Lindes:
Norte: predio particular con muro de pedra.
Sur: encrucillada de sendas e un camiño.
Leste: predio particular con muro de pedra.
Oeste: encrucillada de camiños.
Nome do monte: Lagarteira de Baixo.
Cabida: 0,011 ha.
Lindes:
Norte: camiño público.
Sur: propiedade privada.
Leste: camiño público.
Oeste: propiedade privada e camiño.
Nome do monte: Golbada.
Cabida: 0,02 ha.
Lindes:
Norte: camiño de Meiro a Catro Camiños.
Sur: propiedade privada con muro de pedra.
Leste: propiedade privada con muro de pedra.
Oeste: camiño.
Nome do monte: Cachadiña.
Cabida: 0,02 ha.
Lindes:
Norte: cruzamento de camiños asfaltados.
Sur: camiño.
Leste: propiedades particulares (casas).
Oeste: cruzamento de camiños asfaltados.
Fundamentos de dereito.
1. Trátase de pequenos retallos de montes, a maioría deles circundados por camiños e dos cales a superficie non excede de 500 metros cadrados, tratándose de sobrantes de vía pública, polo que a posibilidade de aproveitamento é practicamente nula. Así ocorre cos denominados Coto, Feira, Esquina de Paradela, Capoeiro, Lagarteira de Riba, Lagarteira de Baixo, Golbada e Cachadiña, atopándose a maioría deles situados entre cruzamentos de camiños e, en ocasións, lindando coa estrada.
2. Dos citados montes e segundo a certificación rexistral que figura no expediente, só dous deles -Feira e Coto- figuran inscritos no Rexistro da Propiedade como de titularidade municipal, non podendo identificarse o resto conforme a descrición remitida á dita oficina pública.
3. Segundo informe subscrito polo enxeñeiro técnico-forestal que figura no expediente, a única parcela ou monte onde se realiza algún aproveitamento -concretamente de mato- é o denominado Castrillón, estando situados no dito monte os depósitos municipais de abastecemento de augas do concello de Bueu, así como canalizacións de auga e electricidade.
En consecuencia, e tendo en conta que non resulta acreditado no expediente que os solicitantes do lugar de Meiro veñan aproveitando os ditos montes con carácter exclusivo, consuetudinariamente e en réxime de comunidade sen asignación de cotas, non cumpríndose os requisitos do artigo 1 da Lei 13/1989, do 10 de outubro, de montes veciñais en man común, sendo reducida por outra parte a superficie da maioría deles que fan inviable a posibilidade do seu aproveitamento, así como a oposición de veciños doutros lugares da mesma parroquia e o informe desfavorable emitido polo Concello de Bueu e as obras de interese xeral situadas no monte Castrillón que constitúen un servicio público de interese xeral, o instructor propón e así o acordan de maneira unánime os membros do xurado a non clasificación dos montes Castrillón, Coto, Feira, Esquina de Paradela, Capoeiro, Lagarteira de Riba, Lagarteira de Baixo, Golbada e Cachadiña como veciñais en man común a favor dos veciños do lugar de Meiro ó non
reuni-los requisitos establecidos no artigo 1 da Lei 13/1989, do 10 de outubro, e tendo en conta as razóns expostas que farían inviable a súa clasificación.
Contra a presente resolución que pon fin á vía administrativa poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ó da presente notificación, de acordo co disposto nos artigos 109 e 116 da Lei 30/1992, do 26 de novembro, de réxime xurídico das administracións públicas e do procedemento
administrativo común, e nos artigos 8 e 46 da Lei 29/1998, do 13 de xullo, reguladora da xurisdicción contencioso-administrativa.
Pontevedra, 25 de abril de 2000.
José Luis Díez Yáñez
Delegado provincial de Pontevedra
Presidente do Xurado Provincial de Clasificación
de Montes Veciñais en Man Común de Pontevedra
