A Dirección Xerencia de Atención Primaria de Lugo, en virtude das atribucións que lle foron delegadas conforme o establecido no artigo 7º da Orde do 21 de abril de 1998 (DOG nº 88, do 11 de maio), e unha vez cumpridos os trámites administrativos correspondentes, resolve anuncia-la contratación do servicio que a seguir se cita.
Obxecto.-Contratación dun servicio de distribución automática de bebidas mediante a instalación de máquinas expendedoras en varios centros dependentes desta Xerencia de Atención Primaria de Lugo, de acordo co contido do prego de prescricións técnicas e normas complementarias. C.P. 3/2000.
Canon.-A empresa adxudicataria do servicio estará obrigada a aboar un canon anual, que se fará efectivo trimestralmente e dentro dos cinco primeiros días do trimestre correspondente.
Forma de adxudicación.-Concurso público, procedemento aberto polo trámite de urxencia.
Prazo de execución do contrato.-Un mes desde o asinamento do contrato.
Admisión de variantes.-Admítense variantes.
Documentos de interese para os licitadores.-O prego de cláusulas administrativas particulares e demais documentación complementaria estarán de manifesto e á disposición dos concursantes para o seu exame nos Servicios de Subministracións da Xerencia de Atención Primaria de Lugo, praza de Ferrol nº 11, 4ª planta, 27001 Lugo. Teléfono 982 29 63 29 e 982 29 62 19; fax 982 29 62 28; tódolos días laborables, agás sábados, das 9 ás 14 horas.
Garantía provisional.-2% do orzamento máximo.
Nº orde 1: Ribadeo.
Nº orde 2: Chantada.
Nº orde 3: Viveiro
Nº orde 4: Lugo (Xerencia)*.
Nº orde 5: Guitiriz.
Nº orde 6: A Fonsagrada.
Nº orde 7: Meira.
Nº orde 8: Becerreá.
Solvencia económica e financeira.-Presentarán declaración relativa á cifra do negocio global e dos servicios prestados pola empresa no curso dos tres últimos exercicios.
Solvencia técnica.-Presentarán declaración do material, instalacións e equipo técnico do que dispoña o empresario para a execución do contrato. Relación dos servicios executados nos tres últimos anos, xuntando certificados da boa execución para os máis importantes.
Criterios de adxudicación.
a) Canon ofertado: 3 puntos.
b) Lista de prezos: 3 puntos.
c) Seguridade e calidade na prestación do servicio: 2 puntos.
d) Prestacións e servicios engadidos ofertados: 2 puntos.
Clasificación.-Non se precisa.
Presentación de proposicións.-As proposicións deberán ser presentadas en man, en sobres pechados e asinados polo licitador ou persoa que o represente, no Rexistro da Xerencia de Atención Primaria de Lugo, antes das 14 horas do décimo terceiro día natural, contado a partir do seguinte ó da publicación desta resolución no DOG, ou enviadas por correo dentro de prazo sinalado.
Cando as proposicións se envíen por correo , o licitador deberá xustifica-la data de imposición do envío na oficina de correos e anunciarlle á Xerencia de Atención Primaria a remisión da oferta mediante fax: 982 29 62 28, ou telegrama no mesmo día, de conformidade co artigo 100 do Regulamento xeral de contratación do Estado.
Apertura de proposicións.-Terá lugar no salón de actos desta Xerencia de Atención Primaria de Lugo a partir das 10 horas do décimo primeiro día natural contado desde o seguinte a aquel en que remate o prazo de presentación de ofertas; no caso de que o dito día coincida en sábado ou festivo, a apertura das proposicións terá lugar o día hábil seguinte.
Documentación que presentarán os licitadores.-Os documentos que figuran no prego de cláusulas administrativas particulares.
Anuncios.-O pagamento do anuncio deste concurso público será por conta do adxudicatario do contrato.
Lugo, 16 de maio de 2000.
Lorenzo Armenteros del Olmo
Director xerente de Atención Primaria
