Pola presente cédula, e debido a que os debedores comprendidos na relación que a continuación se insire, non puideron seren atopados nos enderezos que figuran nos rexistros deste centro, ou que se alegaron distintos motivos para non recibiren as notificacións polas persoas que a lexislación autoriza para facerse cargo delas, comunícase que:

Deberán ingresa-lo importe da débeda na conta bancaria 0046-0315-95-0008142490 do Banco Gallego nos prazos que se sinalan no artigo 20 do R.D. 1684/1990, do 20 de decembro (BOE nº 3, do 3 de xaneiro de 1991), polo que se aproba o Regulamento xeral de recadación (RXR), modificado a través do R.D. 448/1995, do 24 de marzo (BOE nº 74, do 28 de marzo).

Se se realiza o ingreso unha vez transcorridos os prazos establecidos no dito artigo 20 do RXR, esixiranse os correspondentes xuros de demora, segundo o artigo 21 da Lei 11/1992, do 7 de outubro (DOG nº 200, do 14 de outubro), de réxime financeiro e presupostario de Galicia.

Transcorridos 6 meses desde a finalización sen que se produza o cobro, escomenzarase o período executivo.

Contra esta liquidación poderá interporse no prazo de 15 días, a partir do seguinte ó desta notificación, recurso de reposición ante o órgano emisor ou, no mesmo prazo, reclamación económico-administrativa ante o Tribunal Económico Administrativo da Comunidade Autónoma.

Para que conste, sirva de notificación ó interesado e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, expido, asino e selo esta cédula.

Burela, 24 de abril de 2000.

Jesús Santiago Ares Martínez

Director xerente do Hospital da Costa de Burela