De conformidade co acordado pola Comisión Paritaria de Acción Social, dependente da Mesa Sectorial de Negociación do persoal ó servicio da Adminis
tración de xustiza, en reunións celebradas os días 23 de marzo e 4 de maio de 2000 polos representantes da Administración autonómica e as organizacións sindicais presentes na negociación, sobre os criterios de reparto do fondo de acción social para o ano 2000 do referido persoal, e segundo o establecido nestas, esta dirección xeral
ACORDA:
Primeiro.-Facer público o programa de acción social de 2000 e darlle a máxima difusión entre os órganos xudiciais, quedando exposto nos taboleiros de anuncios da Dirección Xeral de Xustiza e Administración Local, no Tribunal Superior de Xustiza, nas audiencias provinciais, nos xulgados decanos e no Servicio de Xerencia na Coruña.
Segundo.-O prazo de presentación de instancias será o abranguido entre o día 1 de xuño e o 31 de agosto, ámbolos dous incluídos.
Santiago de Compostela, 10 de maio de 2000.
José Antonio Álvarez Vidal
Director xeral de Xustiza e Administración Local