A Orde do 29 de decembro de 1999 (DOG do 31 de xaneiro de 2000), pola que se aproban as bases que rexerán as convocatorias de bolsas correspondentes ás accións do programa de promoción xeral da investigación do Plan Galego de Investigación e Desenvolvemento Tecnolóxico, prevé, no seu anexo VI, a concesión de bolsas para estadías no estranxeiro e en centros españois situados fóra da Comunidade Autónoma.

De acordo co establecido no punto 8 do dito anexo, desde o 8 ó 19 de abril expuxéronse as listas das solicitudes admitidas e excluídas, podendo durante ese mesmo período os interesados formular reclamacións para emendaren erros e falta de documentos.

Rematado este prazo e estudiadas as reclamacións presentadas, as solicitudes admitidas fóron estudiadas pola Comisión de Selección de Investigación, creada por Decreto 37/1998, do 30 de xaneiro (DOG do 6 de febreiro) e a orde da Consellería da Presidencia e Administración Pública, do 21 de abril de 1998 (DOG do 12 de maio) modificada pola orde do conselleiro da Presidencia e Administración Pública do 26 de abril de 1999 (DOG do 5 de maio).

En consecuencia, atendendo á proposta elaborada pola citada comisión, esta secretaría xeral

RESOLVE:

Primeiro.-Concedérlle-las bolsas para estadías fóra da Comunidade Autónoma ás persoas que se relacionan no anexo a esta resolución para realizaren investigación nos centros que se sinalan, durante o período de tempo que se especifica e na contía que se indica en cada caso.

Segundo.-O pagamento das bolsas farase por trimestres adiantados segundo o establecido no punto 4 das bases da convocatoria.

Terceiro.-A Secretaría Xeral de Investigación e Desenvolvemento adoptará as medidas necesarias para a formalización dos documentos de aceptación das bolsas ós que se fai referencia na base 12 da mencionada convocatoria e para a instrucción dos correspondentes expediente de gasto.

Cuarto.-O incumprimento por parte dos beneficiarios de calquera das bases establecidas na orde da convocatoria do 18 de xaneiro de 1999 suporá a perda do dereito a percibi-la subvención correspondente.

Quinto.-Esta resolución pon fin á vía administrativa, e contra ela poderán os interesados interpoñer potestativamente recurso de reposición ante o mesmo órgano no prazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Santiago de Compostela, 11 de maio de 2000.

P.D. (Orde 29-12-1999, DOG do 31-1-2000)

Miguel A. Ríos Fernández

Secretario xeral de Investigación e Desenvolvemento

ANEXO