O Pleno do Concello de Vigo acordou, en sesión do día 27 de marzo de 2000, a modificación puntual nº 17 do PXOU de Vigo, relativa ó trazado da vía Seminario-Corredoira, segundo a documentación elaborada polos servicios técnicos e xurídicos da oficina de Planeamento da Xerencia Municipal de Urbanismo, coas correccións introducidas na documentación técnica, derivadas do cumprimento das observacións formuladas polo Ministerio de Fomento e Subdirección Xeral de Estradas da CPTOPV, en informes do 11 de xaneiro de 1999 e 10 de febreiro de 1999, respectivamente, e contida no denominado texto final 7/1999.
Contra o devandito acordo que pon fin a vía administrativa poderá interpoñerse un dos seguintes recursos:
A. Recurso potestativo de reposición ante o Pleno do Concello de Vigo no prazo dun mes contado a partir do día seguinte ó de publicación deste anuncio.
B. Recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ó de publicación deste anuncio.
Non obstante, interposto o recurso de reposición, non poderá interpoñerse recurso contencioso-administrativo ata que sexa resolto expresamente o primeiro ou se produza a súa desestimación presunta, polo transcurso do prazo máximo dun mes para dictar e notifica-la resolución.
C. Calquera outro recurso que considere oportuno interpoñer e sexa procedente.
De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio, e publicación no taboleiro de edictos do concello, notifícase o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.
Vigo, 13 de abril de 2000.
Lois Pérez Castrillo
Alcalde-presidente da Xerencia
Municipal de Urbanismo