O Consello da Xerencia Municipal de Urbanismo de Vigo, en sesión do día 2 de decembro de 1999,
acordou aprobar inicialmente, para a execución do planeamento previsto no núcleo 12.02 D Canido do PXOU vixente, a delimitación dun polígono coincidente co predio resultante da agrupación efectuada por Aurelio Rodríguez Rodríguez, en escritura pública do 29-10-1997, autorizada polo notario José Manuel Gómez Varela co número 1159 de orde do seu protocolo, obxecto posterior de parcelación, autorizada por licencia municipal do 6-3-1998, de 11.396 m de superficie e cos lindeiros que a continuación se expresan, refectidos nos planos que figuran no expediente:
-Norte: rúa Arquitecto Antonio Cominges, e predio propiedade de Aquilino Miguel Lemos e outros.
-Sur: Manuel Herranz, Manuel Montenegro (vía peonil prevista) fondo de saco de rúa en proxecto e senda peonil.
-Leste: rúa Súbida ó Faro e predio de Manuel Herranz.
-Oeste: rúa Arquitecto Antonio Cominges, predio propiedade de Aquilino Miguel Lemos e outros, e rúa en proxecto e fondo de saco.
Sométese o expediente a información pública polo prazo de vinte días, contados a partir do seguinte ó da súa publicación no Diario Oficial de Galicia. A documentación atópase na oficina de información da Xerencia Municipal de Urbanismo ó dispor do público, planta baixa do edificio da Xerencia.
O presente anuncio servirá de notificación nos termos do artigo 59.4º da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.
Vigo, 14 de abril de 2000.
Lois Pérez Castrillo
Alcalde-presidente da Xerencia
Municipal de Urbanismo