Cumpridos os trámites previstos na Lei 62/1997, do 26 de decembro, de modificación da Lei 27/1992, do 24 de novembro, de portos do Estado e da Mariña Mercante, na Lei 22/1998, de costas, no seu regulamento, aprobado polo Real decreto 1471/1989, do 1 de decembro, e nas demais normas de procedente aplicación, acordouse, en virtude das atribucións delegadas pola orde do conselleiro de Política Territorial, Obras Públicas e Vivenda do 29 de xaneiro de 1996, outorgar por resolucións que poñen fin á vía administrativa as seguintes concesións en dominio público portuario, con suxeición ás condicións estipuladas nos pregos de condición correspondentes.
Resolución: 22-2-2000.
Obxecto: ampliación da concesión destinada á construcción dunha lonxa climatizada, para a construcción de cámaras frigoríficas.
Porto: Celeiro.
Adxudicatario: Puerto de Celeiro, S.A.
Prazo: ata o 18-6-2027.
Resolución: 3-4-2000.
Obxecto: modificación da concesión destinada á construcción dunha planta de coxeración.
Porto: Celeiro.
Adxudicatario: Puerto de Celeiro, S.A.
Prazo: ata o 18-6-2027.
Contra os citados actos administrativos, que esgotan a vía administrativa, cabe interpor recurso contencioso-administrativo, á elección do interesado, ante o Xulgado do Contencioso-Administrativo da Coruña ou ante o Xulgado do Contencioso-Administrativo competente na circunscrición onde teña
aquel o seu domicilio, no prazo de dous (2) meses contados a partir do día seguinte ó da publicación da resolución, facendo público o outorgamento.
Non obstante, os interesados poderán optar por interpor contra esta resolución recurso de reposición, no prazo dun (1) mes contado a partir do día seguinte ó desta publicación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 14 de xaneiro.
Santiago de Compostela, 14 de abril de 2000.
Agustín Hernández Fernández de Rojas
Presidente do ente público de Portos de Galicia
